एसपी रिपोर्टर
जनकपुरधाम, भदौ २० : जनकपुरधाम वडा नं. ७ कि मधु देवी, निर्मला साह र आशा यादवलाई कोरोनाको डर त छदै त समाजको समेत उतिकै पिर छ । रक्तअभावमा भइरहेको समस्या, जोखिम र मानविय क्षतीको समाचारहरुले उनीहरुलाई निकै दुःखी तुल्याउने गरेकाले उनीहरु हिम्मत गरेर रक्तदान गरिन । जनकपुरधामकै पुष्पलता झा पनि रक्तदान जिवन दान भन्दै महामारीका बिच रक्तदान गर्ने निधो गर्दै सो काम गरिन ।
इ नामहरु उदाहरण मात्र हुन जनकपुरधाम उपमहानगरपालिका वडा नं. ७ को आयोजनामा आज भएको वृहत रक्तदान कार्यक्रममा कुल करिव ६० देखि ६५ जनाले रक्तदान गरेकोमा सातजना महिला समेत रहेको वडा अध्यक्ष जानकी राम साहले बताए । महिलाको सहभागिताले रक्तदानमा उत्साह बढेको उनले बताए ।
महामारीमा रक्तदाताको कमी भएसंगै रक्तको अभावले समस्या हुने गरेकाले सोहि वडाकै आयोजनामा भइरहेको आपतकालिन निशुल्क स्वास्थ्य शिविर आयोजनाकै क्रममा आज रक्तदान कार्यक्रम समेत गरिएको हो । वडा कार्यालयको आयोजना र १४ वटा विभिन्न संघ संस्थाको सहयोगमा भएको रक्तदान कार्यक्रममा संकलित रगतले हदै सम्मको उपचारमा राहत हुने र ज्यान बचाउन सजिलो हुने बुझाई छ ।
आपतकालिन निशुल्क शिविर सप्ताहमा तिन दिन शुक्रवार, शनिवार र आइतवार विहान ८ देखि अधिकतम ११ बजे सम्म हुने गरेको छ । जस्मा शुक्रवार बालरोग सेवा डा. मो. जाफर राइन, शनिवार जेनरल फिजिशियन डा. श्री राम शर्मा र आइतवार स्त्री तथा प्रसुती रोग डा. मो. जियाबुल हकले सेवा प्रदान गर्दै आएको वडा अध्यक्ष जानकी राम साहले बताए । गत सप्ताह देखि सुरु शिविर यस सप्ताह समेत जारी रहेको र अगामि दिनमा पनि सोहि वडा नभए अन्य वडामा निरन्तरता दिने अध्यक्ष साहको योजना छ ।
