एसपी रिपोर्टर
जनकपुरधाम, भदौ १७ : धनुषाको केन्द्र जनकपुरधाम छेउमै रहेको मिथिला विहारी नगरपालिकाकाले प्रत्येक वर्ष बेमौसमी नगरसभा गर्दै आएको छ । केन्द्रवाट नजिक र सुगम क्षेत्र रहेपनि नगर प्रमुख अनिल यादवको कमजोरीका कारण समयमै नगरसभा हुन नसकेको विपक्षीहरुको आरोप छ ।
असार २५ सम्म नगरसभा गरिसक्नु पर्नेमा नगरपालिकाले मंगलवार नगरसभा आरम्भ गर्दै ४४ करोड ८२ लाख २० हजार ४ सय ६० बराबरको बजेट र निति तथा कार्यक्रम प्रस्तुत गरेको छ । बजेटमा प्रत्येक वडालाई ९५ लाख गरि कुल १० वडा लाई ९ करोड ५० लाख बिनियोजन देखि आफनै पिसिआर मेशिन खरिद गर्ने सम्मको कार्यक्रम तय गरिएको छ । मेयर यादवका अनुसार आफनै मेशिन किनेर कोरोना परिक्षणको दायरा बढाइने छ ।
त्यसै गरि गत आर्थिक वर्षमा ४०/४० लाख बजेट दिएर निर्माण भवन निर्माण सुरु भइसकेको छ वटा मावीहरुको भवन निर्माण कार्य समपन्न गर्न बजेट छुटयाइएको सहितका कामहरु यस वर्ष प्राथमिकतामा रहेको छ ।
उपमेयरको अनौपचारिक असन्तुष्टी
उपमेयर अनिता साहले समयमा नगरसभा हुन नसक्नु दुःखद रहको बताउछिन् । म कसैलाई दोष दिन चाहन्न साहले भनिन, ‘कार्यपालिकाको २० जनानै यसमा दुःखी छौं ।’ बजेट समेत घटेको तर्फ निराशा व्यक्त गर्दै उपमेयर साहले खुलेर विरोध गर्न नचाहेपनि मेयर यादवको सही निर्णय क्षमताको कमीले समयमा कामहरु हुन नसकेको संकेत गरिन । यद्यपि उनले आफु कुनै एक व्यक्तिलाई नभई २० जनाकै गल्ती रहेको स्वीकार गरिन ।
एता विपक्षी जनता समाजवादी पार्टीले भने आफुहरुलाई नबोलाएपनि बन्द कोठामा हुदै आएको नगरसभा टेन्टमा भएको र कतिपय कुराहरुमा सुधार आएको भन्दै सन्तोष व्यक्त गरेको छ । नगर अध्यक्ष सिता यादवले आफुहरुलाई नगरसभामा नबोलाएपनि ढिलै भएपनि नगरसभा हुनु सुखद रहेको बताइन ।
यस्तो छ बजेटको विवरण
