एसपी रिपोर्टर
जनकपुरधाम, भदौ १५ : प्रत्येक वर्ष जनकपुरधामको रामानन्दचौकमा स्थानिय श्री रामानन्द युवा क्लवको आयोजनामा मनाइने माँ दुर्गा पुजाको विधीवत तयारी सुरु भएको छ । आज एक विशेष विधी नियमका साथ पुरोहित र क्लवका वर्तमान तथा पुर्व पदाधिकारी तथा सदस्यहरुको उपस्थितीमा बाँसकट्टी विधी शु–समपन्न भएको छ । विधी पुर्वक काटिएको बाँस रामानन्दचौकमा बनाईने माँ दुर्गाको भब्य पण्डाल नजिकै स्थापना गरि (गाडेर) पुजापाठ सुरु गर्ने गरिन्छ ।
यस विधीसंगै माँ दुर्गा पुजाको औपचारिक तयारी तथा विधी सुरु भएको मानिन्छ । यस वर्ष कोरोना भाइरस कोभिड १९ को भय त्रास र महामारीको समेत डर रहेको र मलेमास समेत पर्ने भएकाले सुरक्षा सर्तकता र समाजिक दुरी बनाउदै यो विधी समपन्न भएको र अवस्थालाई मध्येनजर गर्दै मेला तथा उत्सवको बारेमा आवयश्क निर्णय लिने क्लवका अध्यक्ष मनमोहन साह (रौनियार)ले बताए ।
मलेमासका कारण यस वर्ष अगामि कार्तिक १ गते विजया दशमीको घटस्थापना परेको छ ।
केहि तस्वीरहरु
