सविना मानन्धर
बाँपीझ्याला दोलखा, भदौ १४ : ऐतिहासिक शहर दोलखामा ईन्द्रजात्राको अवसरमा लिङ्गो गाड्ने र आकाश भैरवको मुर्ति प्रदर्शन गरी जाँड (काता) खुवाउने जात्रा सम्पन्न भएको छ । दोलखा नेपाल भाषामा मेम्सी स्वारीउरी व ह्वाथो भोके काता तोन्केय नखत भन्ने गरिन्छ । यसरी लिङ्ग भीमेश्वर नगरपालीका वडा नं. २ दोलखा माथिल्लो टोल, कोर्छे टोल र दुङ्गल अर्थात त्रिपुरा सुन्दरीको मन्दिर अगाडी गाड्ने प्रचलन रहेको भएपनी यसपाली कोरोनाको संक्रमणको कारणले गर्दा माथिल्लो टोलमा मात्र लिङ्गो ठ¥याउने कार्य सम्पन्न भएको वडाध्यक्ष विराजमान श्रेष्ठले बताए ।
यसरी कोरोना संक्रमणको कारणले हाल दोलखा लकडाउन भएतापनी विधि चलाएर ईन्द्रजात्राको अवसरमा लिङ्गो गाड्ने र आकाश भैरव अर्थात हाथ्व प्रर्दशन गरी जाँड अर्थात काता खुवाई आकाश भैरव (हाथ्व) को प्रसाद समैवजी र काता उपस्थित स्थानिय वासिन्दाहरुलाई सगुन सहित वितरण गरिएको बताइएको छ । आकाश भैरव कोत विहार्छे खलकवाट यसपाली समाजसेवी गोपाल प्रधान र भरत प्रधानको पालो रहेको बुझिएको छ ।
दोलखाको नेवारी भाषामा खुदेउ डाईरी प्रचलन रहेको कार्य पनि स्थानिय वासिन्दा र गुठीयारहरुको उपस्थितीमा सम्पन्न गरिएको भीमेश्वर नगरपालीका वडा नं. २ का श्रेष्ठले बताए । यसै गरी ईन्द्रजात्रा मनाउने प्रचलन उपत्यकामा पनि रहेको र आजै लिङ्गो गाड्ने र आकाश भैरवको मुर्ति प्रदर्शन गरिएको जनाइएको छ ।
