एसपी रिपोर्टर
जनकपुरधाम, भदौ १३ : व्यापारीसंग कुनै घटना हुँदा व्यापारी संगठन तथा अगुवाहरु आ–आफनो जश लिने होडमा लाग्ने गरेकाले व्यापारीहरुलाई नै अन्यौलमा पारिरहेको देखिएको छ । शुक्रवार जनकपुरधाममा पसल खोल्न लागेका भानुचौक स्थित श्री हनुमान स्टुडियोका सञ्चालक दाजुभाई उपर प्रहरीले कुटपिट गर्न थालेको घटनामा व्यापारीहरु आ–आफनो संगठनको जश लिने र व्यापारीलाई आफु तिर तान्न चाहने कार्यले व्यापारी कस्को नेतृत्वमा कता जाने तर्फ असन्तुष्ट र अन्यौलमा पर्ने गरेको पिडित व्यापारीकै भनाईले स्पष्ट हुन्छ ।
हेर्नोस भिडियो
कुटपिटका पिडित व्यापारी दिपक साहले आफुहरुको छाता संगठन संघले आफनो रिहाइको लागि पहल गरेको बताउदै एकअर्का संगठनले आ–आफनो तिर आफुलाई तान्न खोजेकाले आफु कन्फयुज भएको बताए ।
यस्तो छ कारण
शुक्रवार पसल खोलेका स्टुडियोका सञ्चालक दिपक साह र अरबिन्द साहलाई प्रहरीले कुटपिट गरेको घटनापछि स्थित तनावग्रस्त बन्न लागेको थियो । घटनास्थल पुगेका जनकपुरधाम उद्योग बाणिज्य संघका महासचिव जितेन्द्र महासेठ व्यापारीहरुलाई सम्झाई बुझाई गरि माहोल शान्त पारेको र व्यापारी पक्राउ गरि गलिएकाले जिल्ला प्रहरी तर्फ लागेको एक व्यापारीले बताए । जिल्ला प्रहरीमा महासचिव महासेठ सहित संघका अध्यक्ष ललित कुमार साह पनि पुगेको प्रहरी प्रमुखसंगको वार्तालापमा पक्राउ परेकालाई अभिभावकको जिम्मामा एक घण्टामा छोडने प्रतिवद्वता पछि त्यहाँवाट वाहिरएको महासचिव महासेठले बताए ।
हेर्नोस भिडियो
तर उनले यति गर्दा पनि आफुुलाई व्यापारीकै संगठनका पदाधिकारीहरु छाता संगठनको नामै लिएर कमजोरी गरेको भन्नु जश लिन खोज्ने प्रवृती मात्र रहेको उनले बताए । अरुको गल्ती निकाल्नु भन्दा व्यापारीको हितमा काम गरेर व्यापारीलाई सो कुरा महशुस गराउन तर्फ लाग्न समेत उनले सवैलाई आग्रह गरेका छन् ।
चेम्वरको संघ माथी आरोप
घटना पछि धनुषा चेम्वर अफ कर्मशका कोषाध्यक्ष उज्जवल अग्रवालले छाता संगठन संघ आफनो ट्रयाक्वाट वाहिर गइसकेको र उचित पहलकदमी लिन नसकेको अरोप लगाएका थिए । कर्मशले जनकपुरधाममा प्रदर्शन गर्दै बिना क्वारेन्टाइन, उचित आइशोसेलन, खुल्ला बोडर, ट्रक टिपरको आतंक रहेको मात्र व्यापारीको पसल बन्द रहेको भन्दै आफुहरु निषेधाज्ञाको पक्षमा नरहेको बताएका थिए ।
