एसपी रिपोर्टर
जनकपुरधाम, भदौ ८ : नगराईन नगरपालिकाको गाँगुली स्थित नेपाली सेनाको निगरानीमा रहेको क्षेत्रीय क्वारेन्टाइनमा रहेका सञ्चारकर्मी सहित जनप्रतिनिधीहरुलाई धम्की दिइएको छ । क्वारेन्टाइन भित्रको विकृती र गलत क्रियाकलापहरु समाजिक सञ्जालमा वाहिर ल्याएको विषयमा नेपाली सेनाका केहि जवानहरुले स्वीपर मार्फत नै संक्रमितहरुलाई चेतावनी दिइएको दृश्य पुनः सार्वजानिक भएको छ ।
पुनः जारी एक दृश्यमा एक सफाई कर्मीले संक्रमितहरुलाई जथाभावी भिडियो सार्वजानिक नगर्न र होहल्ला नर्गन चेताएको सुचना संक्रमितहरुलाई दिइरहेका छन् । उनले नाम उल्लेख नगरेपनि सेनाका मान्छेहरुले मलाई गएर सम्झाइ दिनु भनेको खवर उनले संक्रमितहरुलाई दिइरहेको दृश्यमा सुनिन्छ । संक्रमित सोध्दैछन, कस्ले के भन्यो भन्नलाई भन्नु न ? सफाईकर्मचारीको जवाफ हुन्छ ‘उहि आर्मीका मान्छेहरुले जथाभावी हल्ला नगर्न सम्झाइदिनु भन्नु भा छ नेपालीमै भन्नु भयो।’
उनका अनुसार पत्रकारलाई सम्झाउन भनेका रहेका छन् । यद्यपि उनले कतिपय कुरा बोल्न हिचकिचाइ रहेको देखिन्छन् । सेनाको निगरानीमा रहेको क्वारेन्टाइनको वेथिती र अव्यवस्थाहरुको दृश्य वाहिर आएपछि सेनाको समेत प्रतिष्ठामा परेको छ ।
