एसपी रिपोर्टर
जनकपुरधाम, भदौ ७ : संक्रमितको ज्वरो नाप्न चिकित्सक आफै नगई स्वीपरलाई पठाएको घटनामा गंगुली क्वारेन्टाइनका चिकित्सक टिमलाई प्रादेशिक अस्पताल झिकाइएको छ । कोभिड १९ धनुषाका संयोजक डा. जामुन सिंहले एक विज्ञप्ती जारी गरि स्पष्टीकरण तथा छानविनका लागि क्वारेन्टाईनको चिकित्सक टिमलाई झिकाइएको र आज देखि नयाँ टिम काम गर्न लगाइएको जानकारी दिएका छन् ।
समाजिक सञ्जाल र समाचार माध्यममा जारी गरिएको भिडियो प्रति गम्भिर ध्यानाकर्षण भएको भन्दै विज्ञप्तीमा लापरवाही भएको समयमा काम गर्ने चिकित्सक टिमलाई झिकाएर स्पष्टीकरण तथा सत्थ तथ्य बुझनेकाम भइरहेको र २४ घण्टा भित्र थप विवरण सार्वजानिक गर्ने समेत बताइएको छ । साथै रिक्त भएको सो स्थानमा आज देखि चिकित्सको नयाँ टिम खटाइएको समेत डा. सिंहले जारी गरेको विज्ञप्तीमा उल्लेख छ ।
