एसपी रिपोर्टर
जनकपुरधाम, भदौं ३ : अन्तत: मृगौलाका विरामी धनुषाको सवैला नगरपालिका वडा नं. २ का प्रमोद कुमार महतोको मृत्यु भएको छ । उनी आज देखि होइन महिनौ देखि विरामी थिए । जसो तसो बाचिरहेका थिए तर महिनौं देखि उनको उपचार हुन नसकेपछि उनले दम तोडेका छन् । कोरोनाको कहरमा कतै पनि उपचार नपाएपछि छटपटिएर उनले मृत्युवरण गुर्नप¥यो ।
परिवारजन सम्पर्कमा आएपछि उनको उपचारका लागि पत्रकार विपी साह केहि प्रयत्न गरे तर पनि उनले उपचार पाउन सकेन । साहले फेसबुकमा पोष्ट गर्दै लेखेका छन, ‘प्रादेशिक अस्पताल जनकपुरधामको मैले हिजो सेयर गरेको भिडियोका विरामी धनुषा सबैला नगरपालिका २ सबैलाकै प्रमोद कुमार महतोको आज निधन भएको छ, उनको डाइग्लोसिसका लागि मैले र उनको परिवारजनले यस क्षेत्रका सांसददेखि अस्पतालका मेसु लगायत कयौंसँग गुहार माग्यौं तर मदत पाएनौं । प्रमोदसँग माफी माग्दै हार्दिक श्रद्धाञ्जली ।’
उनको मृत शरिरवाट स्वास संकलन गर्दा पनि कोरोना पोजेटिभ आएर थप एक संक्रमितको मृत्यु भनेर तथ्याङ्कमा देखाउन सकिएला तर यर्थात उनी उपचारको अभावमा दम तोडेका छन् । उनको हिजो मंगलवार मात्रको यो भिडियो त्यसको प्रमाण हो । हेर्नोस भिडियो
यो भिडियो समाजिक सञ्जालमा पनि भाइरल भयो तर कोहि पनि उपचारको लागि अगाडि आएनन । मंगलवार परिवारजनका काँखमा सवै कुरा सुन्ने र बुझने सम्मको अवस्थामा रहेका प्रमोद २१ औं शताब्दीमा उपचार र औषधीको अभावमा मर्नु पर्छ भन्ने सोचेको पनि थिएन होला । उचित डायलाशिस र औषधीले उनी धेरै वर्ष बाच्ने सम्भावना थियो तर देश र प्रदेशको अस्तव्यस्त स्वास्थ्य व्यवस्थाले उनको ज्यान लियो भन्दा फरक नपर्ला । हार्दिक श्रद्धाञ्जली प्रमोद ।
