एसपी रिपोर्टर
जनकपुरधाम, भदौ ३ : प्रदेश २ देशमै भएको सवै प्रदेश भन्दा बढी जनसंख्या तर कम भुगोल भएको प्रदेश हो । देशकै करिव आधा जनसंख्या प्रदेश २ मै बसोबास गरिरहेको सरकारी तथ्यांङ्क नै छ । तर कोरोना भाइर कोभिड १९ महामारी जस्तो संकटको वेलामा पनि संघिय सरकार प्रदेश २ जसलाई मधेश प्रदेश भनेर समेत भनिन्छ विभेद गर्दै आएका छन् ।
यो आरोप प्रदेश सरकार र यहाँको जनताको पनि हो । जहाँ देशकै सवार्धिक बसोबास र जनघनत्व छ । भौतीक बनावट र बसोबासको हिसावले पनि समाजिक दुरी कायम हुन गा¥हो रहेको प्रदेश २ मा कोरोना संक्रमण दिनानुदिन बढदै गएपनि संघिय सरकार जनसंख्याको हिसावले कुनै पनि व्यवस्था गरेको देखिदैन । यहाँ सम्म कि भर्खरै जिटुजी प्रणाली मार्फत नेपाली सेनाले किनेर ल्याएको दुई अर्वको स्वास्थ्य सरसमाग्रीहरु अन्य छ प्रदेश लाई वितरण गरिएको भएपनि प्रदेश २ लाई अहिले सम्म उपलब्ध गराइएको छैन ।
स्रोतका अनुसार नेपाली सेनाले जिटुजी मार्फत दुई अर्व बराबरको आइसियुका लागि आवयश्क पर्ने इन्फयुजन पम्प, फ्रिज, सिरिन्च, अक्सिजन कन्सनट्रेटर सहितका अन्य उपकरण र आवयश्क औषधीहरु ल्याएर अन्य छ प्रदेशहरुलाई वितरण गरिसकेको भएपनि प्रदेश २ लाई अहिले सम्म उपलब्ध गराइएको छैन । स्वास्थ्य मन्त्रालयको स्वास्थ्य सेवा विभागमा समानहरु थन्काइएको छ । प्रदेशिक स्वास्थ्य आपुर्ति व्यवस्थापन केन्द्रले समेत आफुहरुलाई सो समान अहिले सम्म प्राप्त नभएको बताए ।
नाम उल्लेख नगर्ने सर्तमा एक चिकित्सक भन्छन्, ‘प्रदेश सरकारको धेरै आलोचना हुने गरेको भएपनि अहिले सम्म प्रदेश २ मा जे छ त्यो प्रदेश सरकारको देन हो नभए केहि न केहि ।’ कुनै समय थियो जब जिल्ला अदालतमा केहि लाख रकम जान्थ्यो अहिले त्यै अस्पतालहरुमा पाँच देखि दश करोड सम्म रकम बिनियोजन हुन्छ, उनले थपे । उनले भने डडेलधुरा जिल्लालाई मात्र ५ हजार सम्म किट एकै पटक दिइन्छ तर प्रदेश २ लाई कुनै वास्ता छैन ।
