संजय साह
जनकपुरधाम, साउन ३० : नेकपाको नेतृको घरमा आगलागी भएको घटनामा आफनो कार्यक्रताहरुलाई नियोजित रुपमा फँसाएको भन्दै कांग्रेस क्षिरेश्वरनाथ नगर समितिले महेन्द्रनगरमा प्रर्दशन गरेको छ । साउन २४ गते राति सोहि नगरपालिका २ महेन्द्रनगर स्थित नेकपा नेतृ पल्टी देवी यादवको घरमा आगलागी हुँदा घर सहित तिन गाईवस्तुको जलेर मृत्यु भएको थियो भने तिन घाइते भएका थिए ।
त्यस पछि नेतृ यादव नेकपाको नेताहरु सहित करिव २० जना उपर मुद्दा दायर गर्न गएको जिल्ला प्रहरी कार्यालय स्रोतले जनायो । पछि यादवले पाँचजनाको नाममा किटानी जाहेरी दिन गइन तर दुई जना विरुद्व मात्र मुद्दा दायर भयो ।
कांग्रेस नगरसभापति तथा वडा नं. १ अध्यक्ष लालबाबु यादवले यादवको घरमा आगलागी भएको र क्षती समेत भएको स्वीकार गर्दै राजनिती गरेर अनाहकमा सवैलाई फँसाउन नहुने बताए । यादवले आफना छिमेकी तथा कांग्रेसका कार्यक्रता धनेश्वर यादव उनका छोरा सुरेश र देबु, उनकी पत्नी र छोरा देबुको श्रीमती विरुद्व किटानी जाहेरी दिन गएको दुई छोराहरु विरुद्व मुद्दा दायर भयो ।
घटनाको आरोपमा सुरेश पक्राउ परेको छ भने देबु फरार रहेका छन् । कांग्रेसीले कुनै घटनामा दोषिलाइ मात्र सजाय हुनु पर्नेमा राजनिति प्रतिसोधका लागि सम्पुर्ण परिवारलाई नै फँसाउने काम भएकाले चुप लागेर नबस्ने बताए । कांग्रेसले सुरेशलाइ आफुहरु आफनै प्रहरीमा उपस्थित गराएकाले सहि अनुसन्धान गरेर दोषिलाई कारवाही गर्न मांग गरेका छन् ।
