एसपी रिपोर्टर
जनकपुरधाम, साउन २९ : तिनजना सरकारी कर्मचारी र एकजना औषधी व्यवसायी सहित चारजना कोरोना संक्रमित क्लोथ बैंकको केयरमा आइशोलेट भएका छन् । बैंकका अध्यक्ष राजिव झाका अनुसार जनकपुरधाम स्थित सरकारी कार्यालयका तिनजना कर्मचारी र एकजना औषधी व्यवसायी सम्पर्कमा आएपछि बैंकको चिकित्सक समुहका सम्बन्धित चिकित्सकसंग सम्पर्कमा रहेको र परामर्श प्रदान भइरहेको बताए । सवैको अवस्था समान्य रहेको सम्पर्कमा रहेको चिकित्सहरुले बताएका छन् ।
डा. अजय मिश्रका अनुसार आज विहान समेत संक्रमितहरुसंग कुराकानी भएको र सवैको अवस्था समान्य रहेको हुनै पनि लक्ष्ण नथपिएको बताए । बैंकको अक्सिजन व्यवस्थापन समितिका संयोजक मनोज चौधरीले भने, ‘कसैलाई पनि अक्सिजन प्रयोगको अवस्था नआओस भन्ने माता जानकी संग प्रार्थना गर्दछु तर त्यस्तै अवस्था आए हामी सक्दो व्यवस्थापनमा जुटेका छौं ।’ चौधरी सहित समाजसेवी राजु चौधरी सहितको सहभागितामा बनेको ९ सदस्सीय समितिले अक्सिजन व्यवस्थापनको काम गर्दैछ । बैंककै पहलमा अहिले सम्म ४१ सदस्सीय चिकित्सकको समुह निर्माण भएको र सो समुहले चिकित्सकीय परामर्श प्रदान गर्नेछ ।
यस्तो छ क्लोथ बैंकको अपिल
बैंकले कोरोना संक्रमण पुष्टी भइसकेका विरामीहरु व्यवस्थापन समितिका पदाधिकारीहरुलाई सम्पर्क गरि आफनो विवरण (पुरानो कुनै रोग, खाइरहेको औषधी, उमेर, तौल, सम्पर्क नम्वर) सहितको विवरण टिपाउनु पर्ने हुन्छ । त्यसपछि समितिका सदस्यले सम्बन्धित चिकित्सकसंग समन्वय गरि विरामीको नम्वरमा चिकित्सक स्वयमलाई नै फोन गर्न लगाएर चिकित्सकीय परामर्श प्रदान गर्ने व्यवस्था मिलाइएको अध्यक्ष झाले बताए ।
विरामीको भनाई, कुनै रोग भए त्यसको पृष्ठभुमि र लक्ष्ण अनुसार सम्बन्धि चिकित्सकले उहाँहरुलाई आफै सम्पर्क गरेर परामर्श दिनुहुने र अक्सिजन आवयश्क भएको अवस्थामा भिडियो कल मार्फत हेरेर चिकित्सकको सिफारिसमा सिडिओ कार्यालयवाट अक्सिजनलिन सक्ने गरि व्यवस्थापन गरिएको छ । त्यसका लागि सुरुमा चिकित्सकलाई नभई समितिका सदस्यहरुलाई सम्पर्क गर्न बैंकले सम्बन्धित सवैमा आग्रह गरेको छ ।
क्लोथ बैंकको इमेल मार्फत समेत आफना समस्या दर्ता गराउन सकिने छ । जस्को लागि प्रस्तुत इमेल प्रयोग गर्न सकिने छ । [email protected] [email protected], [email protected]
साथै क्लोथ बैंकको फेसबुक र समितिका सदस्यहरुको नम्वरको ह्वाटसएपमा पनि सम्पर्क गर्न सकिने छ ।
