एसपी रिपोर्टर
जनकपुरधाम, साउन २६ : कोरोना संक्रमणको नियन्त्रण र व्यवस्थापनमा तिनै तहको सरकार चुकिरहेका वेला क्लोथ बैंक धनुषाले जनकपुरधाम सहित यस क्षेत्रका नागरिका लागि विशेष पहल गरेको छ । एक समितिको गठन गरि भविष्यमा हुन सक्ने महामारीलाई मध्ये नजर गर्दै घर घरमै आइशोलेट हुन अवस्था आए विरामीको घरमै अक्सिजनको व्यवस्थापनामा बैंक जुटेको छ ।
जस्को लागि मनोज चौधरी (जनकपुरधाम अञ्चल बस व्यवसायी संघ)को संयोजकत्वमा राजुचौधरी (समाजसेवी) सहित विभिन्न क्षेत्रका व्यक्तित्वहरुलाई समेटेर अक्सिजन सिलिन्डर व्यवस्थापन समितिको गठन गरि काम थालिएको छ । बैंकका अध्यक्ष राजिव झाका अनुसार जनकपुरधामका एकजना औषधी व्यवसायी बैंकको सम्पर्कमा होम आइशोलेट भइसकेका छन् । झाले भने, ‘चिकित्सकिय परामर्श पनि हामी दिइरहेका छौं ।’
त्यसैगरि चिकित्सकिय परामर्शका लागि बैंकले अनुभवि चिकित्सकहरुको तस्वीर सहित उहाँहरुको सम्पर्क नम्वर सहितको सुचना समेत जारी गरेको छ । कसैलाई कोरोनाको लक्ष्ण, आशंका वा संक्रमण नै पुष्टी भएको खण्डमा ति चिकित्सकहरुलाई सम्पर्क गरेर निशुल्क परार्मश लिन सकिने बैंकले जनाएको छ । यि अभियानहरुको लागि तिन सदस्य संरक्षण समिति समेत गठन भएको जस्मा प्रमुख जिल्ला अधिकारी, धनुषा प्रहरी प्रमुख र बैंकका अध्यक्ष सहभागि छन् ।
हेर्नोस डाक्टर र उनको सम्पर्क नम्वर
अध्यक्ष झाका अनुसार बैंकले विज्ञहरुको सुझावको आधारमा धनुषामा औषधीको आपुर्ती, आवयश्कता र अभाव सहित हुन सक्ने कुनै पनि प्राविधिक समस्याको पहिचान र निवारणका लागि चिकित्सहरुको संगठन सहितको एक नागरिक समिति निर्माण समेत गर्ने छ जस्को पहलका लागि बैंकका उपाध्यक्ष पत्रकार पुरन साह रौनियारलाई जिम्मेवारी दिइएको छ । बैंकको सवामित्वमा रहने सो समितिले विभिन्न सुझावहरु दिनेछन् ।
अभियानमा सहभागि हुन चाहनेले बैंकका पदाधिकारीहरु संग सम्पर्क राख्न समेत आग्रह गरिएको छ ।
