एसपी रिपोर्टर
जनकपुुरधाम, साउन २५ : धनुषामा गएराती घरमा आगलगी हुँदा गाई सहित बाछाबाछी जलेको छ । प्रदेश नं. २ को नेकपा प्रदेश सदस्य एवम् नेतृ पल्टी देवी यादवको घरमा गएराती आगलगी भएको हो । सो आगलगीमा परेर बाँधिएको एक गाई, १ बाछा र १ बाछी सहित ३ जनावर जलेर मरेका छन् । यसका साथै, ३ वटा गाईको अवस्था गम्भिर रहेको जनाईएको छ ।
धनुषाको क्षीरेश्वरनाथ नगरपालिका वडा नं. २ बस्ने नेतृ यादवको घरमा गएराती कसैले आगो लगाइदिएको आरोप लगाइएको छ । गएराती करिब १२ बजेको समयमा आगजनी गरिदिएको आरोप लगाइएको छ । यसबारे ईलाका प्रहरी कार्यालय महेन्द्रनगरमा प्रहरी निरिक्षक पप्पु नायकले घटनाको बारेमा अनुसन्धान थालिएको बताएका छन् । ्
आगलागिवाट करिव ५ लाख भन्दा बढ़ीको क्षति भएको र घटना बारे पीडि़तले रिसीबिको कारणले यस्तो घटना घटेको हुन सक्ने आशंका गरेको हुनाले यसको निष्पक्ष छानबीन गरि दोषी माथि कानूनी कार्यवाही गर्नुपर्ने पिडित सहितको मांग छ ।
