एसपी रिपोर्टर
जनकपुरधाम, साउन २३ : कोरोना भाइरसको महामारीको भयावहस्थितिलाई मध्य नजर गर्दै क्लोथ बैंक धनुषाले कोभिड विशेष अस्पतालमा ठाँउ नपाएर होम आइसोलेसन बस्नु पर्ने अवस्थामा चिकित्सय परार्मश र अक्सिजनको व्यवस्थापनमा जुटेको छ ।
त्यस्तो बाध्यतात्मक अवस्थामा क्लोथ बैंक धनुषाले अनलाइनमार्फट बिज्ञ डाक्टरहरुसंग निःशुल्क फोन वा अनलाइन परामर्श सहित आवश्यकता अनुसार निःशुल्क अक्सिजनको सिलिन्डर घरमै उपलब्ध गराउने निर्णय गरिएको क्लोथ बैंक जनकपुरका अध्यक्ष राजिव झाले बताएका छन् ।
क्लोथ बैंक सहित स्थानिय प्रशासनको साउन २३ गते बसेको बैठकबाट कोभिडले संक्रमित हुनेहरुका लागि डा. अजय झा (डिएम)को संयोजकत्वमा डा. अजय मिश्रा, डा. रमन मिश्रा, डा. रबि रंजन प्रधान र डा. अजय यादब सहितको प्राबिधिक समिति गठन गरिएको छ । उनीहरुले होम आइशोलेट भएकाहरुलाई निशुल्क परार्मश दिने छ ।
त्यसैगरि बैठकवाट आवश्यक परेमा अक्सिजन व्यवस्थापनका लागि राजपा नेता मनोज चौधरीको संयोजकत्वमा राजेश चौधरी (राजु) र मनिष श्री ओम सदस्य रहने ३ सदस्य अक्सिजन सहित सिलिन्डर ब्यबस्थापन समिति गठन गरिएको छ । बैंकको यस अभियानमा धनुषाका प्रमुख जिल्ला अधिकारी प्रेम प्रसाद भट्टराई, जिल्ला प्रहरी कार्यालय धनुषाका एसपी रमेश बस्नेत र क्लोथ बैंक जनकपुरका अध्यक्ष राजीब झा संरक्षकको रुपमा रहने छ ।
करिव २ वर्षदेखि गरिव, अनाथ, असहायलगायत कपडाविहिन तथा दैबिक प्रकोपमा परेकोहरुलाइ निःशुल्क कपडा उपलब्ध गराउदै आएका क्लोथ बैंकले कोरोना भाइरसको महामारीको समयमा चिकित्सक टोली सहित अक्सिजनको व्यवस्थापन गर्ने निर्णय गरेको हो ।
