एसपी रिपोर्टर
जनकपुरधाम, साउन २० : भारतको प्रधानमन्त्री मोदीले भोली भारतको अयोध्यामा गर्ने भगवान श्री राम मन्दिरको भुमि पुजन (शिल्यानास) कार्यक्रममा जनकपुरधामवाट पाँचवटा चाँदीको इटा र जनकपुरको माटो सहित श्री जानकी मन्दिरका महन्थ सहभागि हुन गएका छन् ।
आयोध्यावाट जनकपुरधाम स्थित श्री जानकी मन्दिरका महन्थ राम तपेश्वर दासलाई निमन्त्रणा आएपछि मंगलवार उनी पाँचवटा चाँदीको इटा र जनकपुरको माटा सहित भारतयि प्रधानमन्त्री मोदी र उतर प्रदेशका मुख्यमन्त्री योगी आदित्यनाथका लागि सम्मानपत्र सहित राजा जनकको प्रतिनिधित्व गर्दै अयोध्या प्रस्थान गरेका हुन । महन्थ दासले केहि पत्रकारहरुलाई बोलाएर आफु अयोध्या जान लागेको बारे जानकारी गराएका हुन ।
भारतको उत्तर प्रदेश राज्यमा सरयुग नदिको किनारामा रहेको बहु प्रतिक्षित श्री राम मन्दिर निर्माणको लागि भोली मोदीले भूमि पूजन गर्ने कार्यक्रम रहेको छ । भुमि पूजन कार्यक्रम तय भएको तथा जनकपुरबाट समेत माटो पठाउन अयोध्याबाट पत्र (निवेदन) आएपछि जानकी मन्दिरका महन्थ दास माटो र ईटा लिएर अयोध्याको लागि प्रस्थान गरेका हुन् । उनी जटही नाका सम्म जाने र सिमापारीवाट अर्को सवारीमा उनी अयोध्या पुग्ने जनाइएको छ ।
विश्व हिन्दु परिषदले समेत जानकी मन्दिरका महन्थलाई अयोध्याको राम मन्दिर भूमि पूजनमा सहभागी हुन आमन्त्रण गरेपछि महन्थ दास आफ्ना टोली सहित अयोध्या प्रस्थान गरेका हुन् ।
