एसपी रिपोर्टर
जनकपुरधाम, साउन १७ : जनकपुरधाममा बैद्यनाथ साह सेवक भनेर चिनिन्छ् । समान्यतया सेवक भन्नाले सेवा गर्ने हात बुझिन्छ । वास्तवमै बैद्यनाथ साहको कार्य पनि सेवक जस्तै हुन्छ । उनी आफनो घर परिवार भन्दा पनि समाजकै कार्यमा व्यवस्त देखिने गर्छन । उनको गतिविधीका कारण पनि उनलाई सहयोगका लागि धेरै खवर र फोनहरु आउने गर्दछ । साह कसैलाई हुदैन भन्दैनन । धेरथोर सहयोग गरेकै हुन्छ ।
शनिवार विहानै उनी आफनी धर्म पत्नी सहित युवाहरुको टोली लिएर बाह्रबिघघा रंगभुमि मैदान पुगे । कारण थियो मैदानमै दिन रात काटने ति भारतिय गरिव र असहायहरुको पिडा । वर्षातको समयमा पानीको कारण उनीहरु बाह्रबिघघा अगाडीको सडक पेटीमा राती सुत्ने गरेका छन् । धेरै दिन देखि यँही बसिरहेका उनीहरुलाई केहि राहत होस भन्ने उद्देश्यले साहको टोली विहानै पुगेर उनीहरुको बासस्थानमा त्रिपालको केहि भएपनि साहारा झुन्डाइ दिएका छन् । केहि त्रिपाल ठुलो सहयोग न हुन सक्ला तर उनको यो काम ति बेसाहाराका लागि साहारा भने पक्कै भएको हुनु पर्छ ।
साह अहिले विभिन्न ठाँउमा आवश्यकत रहेको परिवारमा त्रिपाल लिएर पुग्ने गरेका छन् । महामारीको जोखिमका बिच आफना परिवारका सदस्यहरुलाई समेत लिएर उनी सहयोगका लागि पुग्ने गरेका छन् । स्थानिय अगुवा र यहाँ सम्मकी जनप्रतिनिधीहरु समेत परेका वेला साहलाई सहयोगका लागि अपिल गर्छन । असहाय संरक्षण मञ्चका अध्यक्ष साह भन्छन् ‘मलाई आफनो घरवाट दिनै पर्दैन, सहयोगी हातहरुकै सहयोग सदुपयोग गरेको हुँ, मेरो मात्र पहल र सक्रियता छ ।’ धेरैले यसलाई राजनिति पनि भन्नु हुन्छ, उनले भने, ‘म उहाँहरुलाई नमस्कार वाहेक केहि भन्न सक्दिन किनकी समाजमा शंकाको भण्डार छ ।’ सहयोगको मात्रा न्युन नै हुन सक्ला तर साहको सक्रियता र असहाय प्रतिको सहयोग र समय तथा प्रतिवद्वता भने सेवक जस्तै छ ।
