एसपी रिपोर्टर
जनकपुरधाम, साउन १५ : बुधवार संघिय गृह मन्त्री रामबहादुर थापा बादलको अध्यक्षता र प्रधानमन्त्री केपि शर्मा ओलीको प्रमुख आतिथ्यतामा सवै प्रदेशका आन्तिरक मामिला (गृह) मन्त्री तथा गृह सचिवहरु, गृहमन्त्रीका सल्लाहकार, प्रहरी महानिरिक्षक सहितको बैठक बस्यो । बैठकमा प्रहरीको संगठन तथा व्यवस्थापन सर्वेक्षण प्रस्ताव पारित गर्दै सो प्रहरी समायोजन सम्बन्धी समन्वय समितिको बैठक सम्पन्न मात्र भएन प्रदेश प्रहरी प्रशासनको हकमा विभिन्न खाँकाहरु समेत परिकल्पा गरेको छ ।
वैठकमा सहभागि प्रदेश २ का आन्तिरक मामिला तथा कानुन मन्त्री ज्ञानेन्द्र कुमार यादवले एसपी खवरलाई बताए अनुसार एक महिना भित्र प्रहरी संगठनलाई प्रदेश मातहत समायोजन हुने गरि आजैका मिति देखि तिब्र गतिमा समायोजक प्रक्रिया अघि बढाउने सहमती भएको छ । उनका अनुसार प्रदेशका मन्त्रीहरुले सवै प्रहरी संगठनहरु प्रदेश मातहत ल्याउन गरेको मांगमा प्रधामन्त्री ओलीले प्रदेशमा आइजीपी सम्म राखेर संघमा डिजीपी राख्ने सम्मको प्रतिवद्वता जाहेर गरेका छन् ।
बैठकमा प्रहरी समायोजन सम्बन्धमा गम्भिर र सकारात्क छलफल भएको बताउदै मन्त्री यादवले भने, ‘प्रधानमन्त्री ज्यू प्रदेशमा आइजीपी सम्म दिएर संघमा डिजिपी राख्ने सम्मको प्रतिवद्वता जाहेर गर्नुभएको छ ।’ साथै सिडिओहरु समेत प्रदेशमा प्रदेश मातहत नै रहनेमा प्रधानमन्त्री सकारात्मक रहेको उनले बताए । सिडियोहरु समेत प्रदेश मातहत रहेर कार्य सम्पादन गर्ने बैठकमा छलफल भएको र यस कार्यहरुका लागि समायोजन विद्येयक संसोधनका लागि अगाडि बढाउने समेत छलफल भएको बताए । उनको अनुसार एआइजी तत्कालै प्रदेश मातहत आउने भएका छन ।
