एसपी रिपोर्टर
जनकपुरधाम, साउन १४ : इजराइली सरकारले कोभिड १९ वाट लडन प्रदेश २ सरकारलाई सुरक्षा समाग्रीहरु सहयोग गरेको छ । कोभिड १९ विरुद्व लडन इजाराइली सरकारले नेपाल सरकारलाई सहयोग गर्ने उद्देश्यले प्रदेश २ को समाजिक विकास मन्त्रालय मार्फत प्रदेश २ सरकारलाई विभिन्न स्वास्थ्य सुरक्षा समाग्रीहरु प्रदान गरेको छ ।
इजरायल सरकारवाट प्राप्त सरसमानहरु समाजिक विकास मन्त्री नवल किशोर साहले स्वास्थ्य विभागका निर्देशक डा. प्रमोद यादवलाई हस्तान्तरण गरेका छन् । सरसमानहरुमा ४ सय थान पिपिई, १ हजार थान के एन ९५ मास्क, १० हजार थान पिनवाला सर्जिकल मास्क, ५ हजार थान सर्जिकल ग्लोभ्स र ह्यान्ड सेनिटाइजर १ सय जाँर हस्तान्तरण गरिएको छ । सो अवसरमा मन्त्री साहसंग नेपाल स्थित इजरायली दुतावासका प्रतिनिधीले भिडियो कन्फरेन्समा कोभिड १९ र प्रदेश २ सरकारको रणनिति विषयमा छलफल समेत गरेको थियो ।
नेपाल स्थित इजरायली दुतावास, स्वास्थ्य निर्देशनालयका साथै स्वास्थ्य कार्यदलका संयोजक डा. रामकेवल साह सहितका प्रतिनिधीहरुको उपस्थितीमा मन्त्री साहले डा. यादवलाई सो सरसमानहरु हस्तान्तरण गरेको छ । सो अवसरमा उपस्थितहरुले इजरायल सरकारले कृषि क्षेत्रमा गरेको प्रगती र डिजास्टरको क्षेत्रमा गरेको प्रगतीको प्रशंसा गरेका थिए । मन्त्री साहले सहयोगका लागि इजरायली सरकारलाई धन्यवाद ज्ञापन गरेका छन् । इजरायली सरकारले भविष्यमा समेत कोभिड १९ को सामना गर्न प्रदेश २ सरकारसंग सहकार्य गर्न तयार रहेको नोटमा लेखेको छ ।
