पहिरोमा पुरिएर धादिङमा एकैपरिवारको तीन जनाको मृत्यु

एसपी रिपोर्टर
धादिङ्ग, साउन ६ : पहिरोमा पुरिएर धादिङमा एकैपरिवारको तीन जनाको मृत्यु भएको छ । मृत्यु हुनेमा त्रिपुरासुन्दरी गाउँपालिका–६, गोलाङका २५ वर्षीय मिलन खाँड, उनकी श्रीमती २२ वर्षीया सम्झना र छोरी अन्दाजी दुई वर्षीया अञ्जिता खाँड छन् ।

जिल्ला प्रहरी कार्यालय, धादिङका डीएसपी रुपक खड्काले बताए अनुसार मध्यराति आएको पहिरोले घर पुरिएर तीनै जनाको मृत्यु भएको हो । केही दिनयता देशका विभिन्न भागमा अविरल वर्षा भइरहेको छ ।