एसपी रिपोर्टर
जनकपुरधाम, साउन ३ : लायन्स क्लव अफ जनकपुर राजधानीको तेस्रो वार्षिकोत्सवको अवसरमा बृद्वा आश्रममा खाद्यान्न समाग्री वितरण गर्दै नयाँ अध्यक्षलाई पद हस्तान्तरण गरिएको छ । तेस्रो वार्षिकोत्सवको उपलक्ष्यमा राजधानीका अध्यक्ष, पुर्व अध्यक्ष सहित केन्द्रिय स्तरका पदाधिकारी र प्रतिनिधीहरु समेतको उपस्थितीमा बृद्वा आश्रममा खाद्यान्न समाग्री वितरण गरिएको नव अध्यक्ष सुनिल साहले बताए ।
साथै नव अध्यक्षका रुपमा चयन भएका ला. सुनिल कुमार साहलाई पद हस्तान्तरण गरिएको छ । निर्वतमान अध्यक्ष सुधिर पजियारले नव अध्यक्ष साहलाई पद हस्तान्तरण गरेका थिए । सो अवसरमा लायन्स क्लवका एरिया कोअर्डिनेटर ला. मनिष रमण साह, रिजन चेयर पर्सन ला.निर्मल सिंघानिया, जोन चेयरपर्सन ला.रवि कुमार साह सहित पुर्व अध्यक्ष, पदाधिकारी तथा सदस्यहरु सहित नव निर्वाचित पदाधिकारी र सदस्यहरुको समेत सहभागिता थियो ।
