एसपी रिपोर्टर
जनकपुरधाम, साउन १ : जनकपुरधाममा युवाहरु दैनिक सुरक्षा सर्तकता र सुरक्षा समाग्री प्रयोगको विषयमा जनचेतना जगाउने काम गरिरहेको छ । यसै बिच विगत तिन दिन देखि लगातार फर्मा प्रस्पेक्टिभ अफ नेपाल (पिपोन) ले जनकपुरधामको विभिन्न क्षेत्रमा सर्वसधारणहरुलाई मास्कको प्रयोग त्यसवाट हुने सुरक्षा, सेनिटाइजरको प्रयोग र अन्य विभिन्न विषयमा काउन्सिेलिङ्गको काम गरिरहेको छ ।
पिपोनकाका अध्यक्ष प्रभाकर सिंहको अगुवाईमा युवाहरुको समुह गत मंगलवार जिरोमाइल हिजो बुधवार रामानन्दचौक र आज सिडिओ कार्यालय अगाडि तिन दिन सम्म सडकमा हिन्ने पैदल यात्री, सवारी चालकहरुलाई मास्क वितरण, सेनिटाइजरको प्रयोग र अन्य सचेतनाको कार्यक्रम गरिएको छ । पिपोनका महासचिव दिपेन्द्र कुमार साहले तिनदिनमा सुरक्षा समाग्रीहरु वितरण र सचेतनाका लागि सुझावहरु दिइएको बताए । सुरक्षाकर्मीहरुको समेत सहयोगमा कार्यक्रम गर्न सफल भएको पिपोनका अध्यक्ष सिंहले बताए ।
