एसपी रिपोर्टर
जनकपुरधाम, असार २४ : नेकपाका अध्यक्ष तथा प्रधानमन्त्री केपि शर्मा ओलीका सर्मथकहरुले जनकपुरधाममा समेत ओलीको समर्थनमा प्रदर्शन गरेका छन् । पार्टी फोडन र जनताको म्यान्डेड अनुसारको पाँच वर्षको स्थिर सरकारलाई तहस नहस गर्न पार्टीकै एक पंक्ती सक्रिय रहेको भन्दै उनीहरु ओलीको समर्थनमा प्रदर्शन गरेका हुन ।
जनकपुरधाम उपमहानगरपालिका वडा नं. १३ का वडा अध्यक्ष शुभनारायण मण्डलको अध्यक्षता र युवानेताहरु शम्भु साह तथा दिनेश सिंह सहितको समन्वय तथा सक्रियतामा प्रधानमन्त्री ओलीका समर्थकहरु जनकपुरधामको श्री शंकटमोचन मन्दिरको अगाडिवाट मोटरसाइकल जुलुस प्रदर्शन सुरु गर्दै प्रधानमन्त्री ओलीको पक्षमा नारावाजी गरेका थिए ।
हेर्नोस भिडियो
केपि ओली जिन्दावाद, पार्टी फुटाउन पाउदैन, पार्टी एकता जिन्दावाद सहितको नारावाजी गर्दै उपमहानगरको विभिन्न चौकहरुको परिक्रमा गरेका उनीहरु जनकचौकमा कोणसभा गरेका थिए । कोणसभालाई सम्बोधन गर्दै वडा अध्यक्ष मण्डलले चुनावको वेला पार्टी एकता, स्थिर सरकार र त्यसको प्रधानमन्त्री केपि शर्मा ओली नै हुने जनतासंग वाचा गरिएकाले अहिले धोका दिन नहुने बताए । नेकपा सम्वद्व युवा संघका नेता संजीव झाले जनताले पार्टी अध्यक्ष ओलीलाई दुई तिहाइ बहुमत दिएको भन्दै स्थायित्वलाई निरन्तरता दिन उनको विकल्प नरहेको बताउँछन् । पार्टी र मुलुकलाई एकढिक्का बनाएर अघि बढ्न अध्यक्ष ओलीले दिएको योगदान हेरेरपनि उनको विकल्प खोज्न नहुने झाको भनाइ छ ।
युवा नेताहरु शम्भु साह र दिनेश सिंहले जनताले दिएको म्यान्डेड अनुसार पार्टी पार्टी चल्नु पर्ने बताए । कसैको इशारामा पार्टीका नेताहरु म्यान्डेडलाई बिर्सन नहुने उनीहरुको तर्क छ । प्रदर्शनमा जनकपुरधाम सहित धनुषाका विभिन्न पालिकावाट नेकपाका युवाहरुको सहभागिता रहेको थियो ।
