एसपी रिपोर्टर
जनकपुरधाम, असार २३ : जिल्ला प्रशासन कार्यालय धनुषाले जनकपुरधामको तिनवटा पेट्रोल पम्पहरुमा छडके जाँच गरेको छ । संयुक्त टोलीले जनकपुरधाम उपमहानगरपालिकाको वडा नं. ८ को एक र वडा नं. २३ को दुईवटा गरि कुल तिनवटा आयल सेन्टरमा छडके जाँच गरेको हो ।
जिप्रकाका प्रशासकिय अधिकृत गणेश मिश्रको अगुवाईमा गुणस्तर तथा नापतौल कार्यालय, जनकपुरधाम उद्योग बाणिज्य संघ, घरेलु तथा साना उद्योग र जिल्ला प्रहरी कार्यालयको संयुक्तटोलीले जउनपा वडा नं. ८ स्थित राम आयलको चालुहरुको चारवटा नोजलहरु जाँच गर्दा माप दण्ड भित्रै भेटिएको छ ।
त्यसैगरि वडा नं. २३ बिन्धी स्थित माँ सोनासती आयल स्टोरमा सञ्चालमा रहेको पाँचवटा नोजलहरु चेक गर्दा तिनवटा मापदण्ड भित्रै देखिएको छ भने एकमा मेजरमेन्टको फल्कचुएशन भएकाले कार्यालयवाट चेकजाँच गराइ मात्र प्रयोग गर्न र अर्कोमा प्रति पाँच लिटर इन्धनमा तिनसय एमएल बढि इन्धन प्रवाह भएको देखिएकाले नोजल शिल गरि तिन दिन भित्र आवयश्क कारवाहीका लागि कार्यालयमा सम्पर्क गर्न निर्देशन दिएको छ ।
साथै सोहि वडाको अभिशेष आयल स्टोरको सञ्चालमा रहेको चारवटा नोजलहरुको चेकजाँच गर्दा तिनवटा नोजलहरु मापदण्ड भित्रै देखिएको छ भने एउटाको डिस्पले विग्रेको देखिएपछि इन्धन प्रवाहको क्वान्टिटी सहि रहेको देखिएको टोली प्रमुख मिश्रले बताए । टोलीमा संघवाट महासचिव जितेन्द्र महासेठ सहितको प्रतिनिधीहरुको सहभागिता रहेको थियो ।
