एसपी रिपोर्टर
जनकपुरधाम, असार १९ : मधेश अन्दोलनका शहिद नितु यादवको स्मरणमा नितु यादव स्मृति भवन बन्ने भएको छ । शुक्रवार प्रदेश सरकारका वरिष्ठ मन्त्री भौतिक पूर्वाधार तथा विकास मन्त्री जितेन्द्र प्रसाद सोनल तथा जसपा नेपालका सांसद राजपा प्रदेश २ का प्रमुख सचेतक परमेश्वर साह शहिद नितु यादवको जनकपुरधाम उपमहानगरपालिका वडा नं. १९ जमुनिया स्थित घर पुगेर स्मृती भवनका लागि २० लाख रुपैया बिनियोजन भइसकेको जानकारी गराएका छन् ।
शहिद नितु यादवको घरमा गरेको प्रतिवद्वता अनुसार भौतिक पूर्वाधार विकास मन्त्रालयको आ.व. ०७७÷०७८ को कार्यक्रममा सहिद नितु यादव स्मृति भवनको लागि रु २० लाख विनियोजन गरिएको र शहिदको सम्मानमा प्रदेश सरकार प्रतिवद्व रहेको बताए । शहिद यादवको परिवारजनसंग भेटघाट मन्त्री सोनले शहिदको सम्मानमा आफुहरु कुनै कसर वाँकी नराख्ने बताए । सांसद साह ढिलो चाँडो शहिदको सपना पुरा हुने बताएका थिए ।
जनकपुरधाम उपमहानगरले भब्य शहिद गेट बनाउदै
एता जनकपुरधाम उपमहानगरपालिकाले शहिदहरुको सम्मानमा जनकपुरधामको उतरी प्रवेशद्वारा मुजेलियामा भब्य शहिद गेटको निर्माण सुरु गर्दै छ । मेयर लालकिशोर साहले आफु निवार्चित हुने वितिकै सवै भन्दा पहिलो निर्णय शहिद गेटको निर्माण गर्ने गरेकाले शहिद गेट निर्माणको शिल्यानास शनिवार गर्न लागेको बताए ।
करिव ३ करोडको लगानीमा मधेश आन्दोलनका शहिदहरु नितु यादव, दिलिप यादव र संजय चौधरीको अन्तयेष्टी समेत गरिएको छेउ मुजेलिया स्थित राजमार्गमा जनकपुरधाम प्रवेशका लागि भब्य शहिद गेटको निर्माण हुन लागेको मेयर साहले बताए । १४ फिटको भगवान श्री रामको प्रतिमा समेत रहने सो प्रवेशद्वारको तिनवटा पिलरहरु माथी तिनै शहिदहरुको प्रतिमा रहने छ । मेयर साहले शहिदको सहादत र प्रेरणा कसैले बिर्सन नहुने बताए ।
