एसपी रिपोर्टर
जनकपुरधाम, असार १९ : राजनिति फोहरी खेल जस्तै हो भन्ने कुरा तपाँइ हामी धैरेले सुन्ने गरेका छौं । हो पनि राजनितीमा पक्ष वा विपक्षको कमजोरी खुल्ने वितिकै त्यसमा राजनिती स्वभाविक रुपमा प्रवेश हुन्छ नै । यस्तै परिदृश्य अहिले जनकपुरधाम उपमहानगरपालिकाको पनि छ ।
उपमहानगरपालिकाको नगरसभा आयोजनामा व्यापक बिबाद भयो । बिबादमा आफना असन्तुष्टिहरु समेटने र विरोध गर्नेमा करिव आठजना वडा अध्यक्षहरु थिए जस्मा वडा नं. १३ का वडा अध्यक्ष शुभनारायण मण्डल पनि एक हुन । उनीहरुको असन्तुष्टिका बाबजुद बहुमतको आधारमा नगरसभा सम्पन्न भएको मेयर र उपमेयर पक्षको बताइरहँदा अव सो बिबाद नयाँ मोड लिने सम्भावना छ ।
वडा अध्यक्ष मण्डललका छोरा रोशन मण्डल आफनै घर छेउका एक महिला उपर बलात्कारको प्रयास गरेको जघन्य अपराधको मुद्दामा मुछिएपछि राजनितिक बिबाद थप जटिल हुने सम्भावना छ । वडा अध्यक्ष मण्डलले शुक्रवार आफनै घरमा पत्रकार सम्मेलनको आयोजना गरि समान्य झै झगडाको घटनामा बलात्कारको आरोप लगाएर चरित्र हत्याको नियोजित प्रयास भएको दावी गरेका छन् ।
गत शुक्रवार भएको समान्य कुटपिट र झगडाको घटना प्रहरी चौकी मुजेलियामा छलफलमै रहेकावेला राउत परिवारलाई भडकाएर बलात्कारको मुद्दा बनाउने काम भएको वडा अध्यक्ष मण्डलको भनाई छ । पत्रकार सम्मेलनमा वडा अध्यक्ष मण्डलसंगै नगरसभाको विरोधमा रहेका वडा अध्यक्ष जानकी राम साह, परमेश्वर साह र दिपेन्द्र साह समेत सहभागि थिए । उनीहरुले मेयर पक्षले घटनालाई नियोजित बनाउन लागेको सांकेतिक आरोप लगाएपनि कसैको नाम लिएन । पत्रकार, स्थानिय र अर्का वडा अध्यक्षहरुले वडा अध्यक्ष मण्डललाई विरोधी को हो नाम भन्नु न ? प्रश्न गर्दा पनि वडा अध्यक्ष मण्डल प्रमाण नरहेकाले कसैको नाम लिन नमिल्ने प्रतिक्रिया दिए ।
पत्रकार सम्मेलनमा बोलेका आरोपित उनको छोरा रोशनले समेत आफना विरोधीहरु आफनो चरित्र हत्याको प्रयास गरेको बताएपनि कसैको नाम लिएन । यद्यपि उनले आफु सो महिलाको अनुहार समेत कहिल्यै नहेरेको तर उनको श्रीमान संग समान्य बिबाद हुदाँ हात हालाहाल भएको स्वीकार गरेका छन् ।
वडा अध्यक्ष मण्डलको घर छेउकै एक राउत थरकी विवाहिता महिलाले वडा अध्यक्षको छोरा माथी लगाएको सो आरोपले जनकपुरधाममा नयाँ राजनिति र बिबादको उत्पती गर्ने देखिन्छ । आरोप लगाउने महिलाको श्रीमानले रोशन घरमा प्रवेश गरि श्रीमतीलाई र्दुव्यवहार गरिरहँदा आफु पुगेपछि आफुलाई र आफना बुवालाई समेत कुटेको आरोप लगाएका छन् । उनीहरु बलात्कार प्रयासको उजुरी जिल्ला प्रशासनमा लिएर गएपनि प्रहरीले तत्कालै मुद्दा दर्ता गरेको छैन । यस किशिमको चर्चा परिचर्चाले जनकपुरधाम उपमहानगरवासीहरुमा पक्ष विपक्ष दुवै प्रति शन्देह उत्पन्न भएको देखिन्छ ।
