एसपी रिपोर्टर
जनकपुरधाम, असार १२ : भारतवाट फर्किएका हँसपुर नगरपालिका वडा नं. ७ नौवाखोर पर्साहीका १६ वर्षिय राजु सदा झाडा पाखाला र बान्ताको ओषधी नपाएर १७ दिन सम्म छटपटिएर प्राण त्यागेको घटना आफनैमा अकल्पनिय र दयनिय छ । सो घटनामा समाजिक विकास मन्त्रीकै राजिनामा मांग भएपछि प्रदेश २ सरकारले तत्काल पाँचलाख राहतको घोषणा गरेका छन् ।
यो दृश्य जनकपुरधाम स्थित प्रादेशिक अस्पतालको प्रि आइशोलेसन कक्षमा छटपटाइरहेका कोरोना शंकाष्पद किशोर विरामी राजु सदाको हो । भारतको मदरासमा होटलमा प्लेट माझने काम खोसिएपछि करिव आठ दिनको पैदल र टिपर तथा ट्रकको साहारामा जटही आइपुगेका धनुषा हँसपुर नगरपालिकाको वडा नं. ७ निवासी आशे सदाका १६ वर्षिय छोरा राजुलाई झाडा पाखाला र बान्ता आउने समस्या थियो । उनलाई सोहि वडा स्थितको क्वारेन्टाइनमा १७ दिन सम्म राखियो तर उपचार गरिएन ।
जव उस्को हातल बेहालत भयो अनि जनकपुरधाम स्थित प्रि आइशोलेसन वाडमा पठाइयो । उनीसंगै भारतवाटै आएका उनकै वडाका अरुण सदा र सिरहाका विकास पासवानलाई पनि राखियो । उनीहरुका अनुसार जिवन जल मात्र पनि समयमा पाइएको भए राजु बाच्ने सम्भावना थियो । उनलाई कोरोनाको यकिन समेत भएको थिएन तर लगातारको झाडापाखाला र बान्ताले उनी कमजोर भइसकेका थिए । तर प्रि आइशोलेसनमा समेत उनका लागि उपचारको नाममा बेड र ओछयान वाहेक केहि भेटेन । एक त भारतवाट आएका, दोस्रो झाडापाखालाले सिकित्स र तेस्रो दलित तथा निमुखा उपचारको अभावमा उनले आइशोलेसनमै दम तोडे ।
राजुको परिवार तथा दलित अगुवाहरु भारतवाट ठुलवडा भनिनेहरु अहिले पनि सिडिओहरुको पावरको वलमा आएर घर घर मै बसिरहेको दावी गर्दै निमुख्खालाई क्वारेन्टाइनमा अभावका बिच मार्ने काम भएको अरोप लगाइरहेका छन् । राजुसंगै क्वारेन्टाइनमा रहेका उनका काकाको छोरा अरुणको अनुसार उनलाई कुनै पनि डाक्टरले उपचार गरेको छैन ।
मृतक राजुकी आमा निलम देवी सदा छिनछिनमै बेहोस हुन्छिन । यस घटना पछि जनकपुरधाममा अस्पतालको रवैया विरुद्व प्रदर्शन गर्दै समाजिक विकास मन्त्रीको राजिनामा मांग समेत हुन थालेकाले उनीहरुको यस पिडामा प्रदेश २ सरकारले शुक्रवार पाँचलाख राहतको घोषणा गरेको छ । मृतकप्रति श्रद्धाञ्जली र पिडितप्रति समवेदना सहित आन्तिरक मामिला तथा कानुन मन्त्री ज्ञानेन्द्र कुमार यादवले एक विज्ञप्ती जारी गर्दै घटना प्रती दुःख व्यक्त गर्दै तत्काल अन्तिरम राहत स्वरुप पाँच लाख राहतको घोषणा गरेको छ ।
साथै समाजिक विकास मन्त्रालयले असार ११ गते छानविन समिति बनाएर छानबिन थालेको र प्रादेशिक अस्पतालले प्रतिवेदन समेत बुझाएको भन्दै दोषि जो कोहिलाई पनि कारवाही हुने प्रतिवद्वता जाहेर गरिएको छ । स्थानियले भने राजुको जिवनको मोल पाँचलाख ताकेर सरकार घटना साम्य पार्न लागेको टिप्पनी गरिरहेका छन् ।
