एसपी रिपोर्टर
जनकपुरधाम, असार ९ : नागरिकता ऐन २०६३ को संसोधन विद्येयक मंगलवार प्रतिनिधीसभामा प्रस्तुत भइरहँदा तराई मधेशको सडकमा भने व्यापक विरोध भएको छ । जनता समाजवादी पार्टीले मंगलवार विभिन्न समयमा प्रदेश २ को आठ वटै जिल्लामा विद्येयक विरुद्व प्रदर्शन गर्दै नारावाजी मात्र गरेन प्रधानमन्त्री केपि शर्मा ओलीको पुत्ला समेत दहन गरेको छ ।
जनकपुरधामको जनकचौकमा जसपाका सांसद, नेता तथा कार्यक्रताहरु सडकमा बसेर अवरोध गर्दै विरोध प्रदर्शन गरेका हुन । साथैै उनीहरुले सरकार विरोधी नारावाजी समेत गरेका थिए । विवाह गरेर नेपाल आउने विदेशी महिलालाई सात वर्ष पछि मात्र नागरिकता दिने प्रावधानको तराई मधेशका नेकपाकै नेताहरुले समेत विरोध गर्न थालेका छन् ।

विद्येयकको विरोधमा दैनिक प्रदर्शन तथा विरोधका कार्यक्रमहरु बाक्लिदै गएका छन् । प्रदर्शनमा जसपाका सांसद रामअशिष यादव सहित जिल्लाका नेता कार्यक्रताहरुको सहभागिता थयो ।


