एसपी रिपोर्टर
जनकपुरधाम, असार ५ : मुस्लिकले २४ घण्टा पनि नखुल्दै हिन्दुहरुको आस्थाको केन्द्र श्री जानकी मन्दिर पुनः बन्द भएको छ । विहिवार देखि पुर्ण रुपमा मन्दिरका मुलद्वारा सहित अन्य द्वारहरु खोलिएको भएपनि मिडियामा भएको प्रचारबाजीले मन्दिर पुनः बन्द भएको छ । विहिवार मन्दिरका महन्थहरुको हावाला दिदै मन्दिर खोलिएको र भिडभाड बढन थालेको समाचार, तस्वीर र दृश्यहरु वाहिरएपछि धनुषा प्रहरीले पुनः मन्दिर बन्द गराएको हो ।
शुक्रवार प्रहरीले सवैद्वाराहरु विहानै पुगेर बन्द गराउनुका साथै त्यहाँ पुगिसकेका दर्शनार्थीहरुलाई उतरीद्वारवाट एक एक गरि प्रवेश गर्न दिएका थिए । त्यसपछि मन्दिर प्रवेशमा पुर्न रुपमा निषेध गरिएको छ । यस्मा मन्दिर प्रशासन र महन्थको लापरवाही रहेको स्थानियहरु बताउछन् । ‘मन्दिर एति लामो समय सम्म बन्द रहनु उचित होइन’ मन्दिर छेउकै एकजना पसलेले भने, ‘बाबाहरुले बिना तयारी र नियम लापरवाही पुर्वक मन्दिर खोल्नु भो र अनावयश्क मिडियावाजीमा लागेकाले आज पुनः बन्द भएको छ ।’
मन्दिर बन्द हुँदा पुनः कतिको रोजगार र रोजीरोटी बन्द हुँदा उनीहरु समस्यामा परेका छन् । भारतका प्रसिद्व मन्दिर र शक्तिपीठहरु पनि नियम पालनाका साथ खुलेको छ, युवा अगुवा नविन यादवले भने, ‘तर यहाँ बिना नियम खोलियो र मिडियावाजी पनि गरियो, आज बन्द गर्नुपर्ने अवस्था आएको छ ।’ समाजिक दुरी, सुरक्षाका उपायहरु सहित भिडभाड कम हुने नियमका साथ मन्दिर खोलिएको भए बन्द हुन्थिएन उनीहरुको बुझाई छ ।
अन्य दिनमा महन्थ बाबाहरुको धेरै सहयोगी युवाहरुको मन्दिरमा बाक्लो आनजान लागेको हुन्छ, यादवले भने, ‘कहाँ छन ति युवाहरु ? आज उनीहरुलाई स्वयम सेवक बनाएर नियम पालना गर्न लगाई मन्दिर खोल्दा हुदैन ?’ निश्चित समय तोकेर समाचार माध्यममा नियन पालनाको जानकारी गराई सुरक्षाकर्मी समेतको उपस्थितीमा मन्दिर प्रवेश खोल्न सकिने उनको सुझाव छ ।
