एसपी रिपोर्टर
जनकपुरधाम, असार २ : नेपाली कांग्रेस प्रदेश २ ले विभिन्न समय सान्दिर्भिक मांगहरु राख्दै प्रदेश २ सरकारलाई ज्ञापन पत्र बुझाएको छ । कांग्रेस प्रदेश २ संसदिय दलका नेता राम सरोज यादवको नेतृत्वमा प्रदेश सांसदहरुको टोली विभिन्न मांगहरु सहित मुख्यमन्त्री लालबाबु राउतलाई ज्ञापन पत्र बुझाएको छ ।
स्वास्थ्य समाग्रीको आपुर्ती, क्वारेन्टाइनको उचित मापदण्ड बमोजिम व्यवस्थापन, परिक्षण सरल शुलभ, सहज र प्रयाप्त हुनुपर्ने, अस्पतालहरुको उचित व्यवस्थापन हुनुपर्ने, भ्रष्टाचार अनियमितता होइन पारदर्शिता समेत हुनुपर्ने, प्रदेश २ सरकारले कोरोना नियन्त्रणका लागि छुटयाएको २ अर्व रुपैयाको खर्च बिबरण सार्वजानिक हुनुपर्ने, बिना राजनितिकरण र भेदभाव राहत वितरण हुनुपर्ने, विदेशवाट आएकाहरुको उद्दार गरि व्यवस्थापन गर्नुपर्ने सहितको मांगहरु कांग्रेसको ज्ञापन पत्रमा छ । कांग्रेसी टोलीमा प्रदेशसभा सांसदहरुको समेत सहभागिता थियो ।
कांग्रेस धनुषाद्वारा प्रधानमन्त्रीलाई ज्ञापन
देशव्यापी कार्यक्रम अनुसार कांग्रेस धनुषाले जिल्ला प्रशासन कार्यालय मार्फत प्रधानमन्त्रीलाई ज्ञापन पत्र बुझाएको छ । विभिन्न १२ सुत्रिय मांगहरु सहित कांग्रेस धनुषाले प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको हो ।
कोरोना महामारीको नियन्त्रण, राहत वितरण, विदेशवाट आएकाहरुको व्यवस्थापन, क्वारेन्टाइनको व्यवस्थापन र सुरक्षा, पिसिआर परिक्षण र आइशोलेशनको व्यवस्थापन गर्न सरकार अहिले सम्म असफल रहेको भन्दै कांग्रेसले सुझाव सहितको ज्ञापन पत्र बुझाएको छ । कांग्रेस धनुषाका सभापति महेश शंकर गिरीको नेतृत्वमा कांग्रेसका नेता कार्यक्रताहरु ज्ञापन पत्र बुझाउनु अगाडि जनकपुरधामको विभिन्न चौकहरुको परिक्रमा गर्दै प्रदर्शन समेत गरेका छन् ।
