एसपी रिपोर्टर
जनकपुरधाम, जेठ ३२ : नेपाल सरकारले जारी गरेको देशको नयाँ नक्साको जनकपुरधाममा समेत स्वागत गरिएको छ । स्टेशन एरिया युवा समाज जनकपुरधाम–१ को आयोजनामा रेल्वे स्टेशनको प्राङ्गणमा नयाँ नक्सा बनाएर सरकार र सांसदहरुको निर्णयलाई स्वागत गरेको छ ।
कार्यक्रममा बोल्दै युवा अगुवा एवंम समाजका सल्लाहकार जितेन्द्र महासेठले संसदवाट देशको राष्ट्रियता संग जोडिएको नयाँ नक्सामा देखिएको दलिय सहमती शान्दार रहे जस्तै जसपाका नेताहरुको धारणाले देशसंग अहिले सम्म भएको राष्ट्रघात र मधेशीलाई देख्ने नजर समेत फरक भएको बताए । उनले भने, ‘महतो र यादवको संसदको वक्तब्य दक्षता र अनुभवले भरिएको थियो, मधेशी भन्दा राष्ट्रघात गर्नेहरु पहाडमै रहेको कुरा वहाँहरुको मन्तब्यले प्रमाणित गरेको छ ।’
अव नयाँको आधारमा भारतको कित्तामा रहेको जमिन फिर्ता ल्याउने अगुवाई सरकारले गरेर सफल हुनुपर्ने उनीहरुको भनाई थियो । सरकार असफल भए देशकै बेज्जती हुने उनीहरुको भनाई थियो । समाजका अध्यक्ष बिजय कुमार साहको अध्यक्षतामा भएको कार्यक्रममा युवाअगुवाहरुको सहभागिता थियोे ।
