पुरन रौनियार
जनकपुरधाम, जेठ ३१ : नेपालको संविधान २०७२ को दोस्रो संसोधन प्रस्ताव माथी संसदमा दफावार छलफल चलिरहँदा शनिवार जसपाका नेता राजेन्द्र महतोको भाषण सवैले सुनेका थिए । उनको भाषणमा ताली नबजाउन बाध्य भएपनि सत्तारुढकै सांसदहरु समेत चनाखो पुर्वक सुनेका थिए ।
महतोको बोल्नै आफनै पारा छ । त्यसै पारामा महतोले भने, ‘तत्कालिन सन्धी गर्दा महाकालीको मुहान नछुटयाउने को ? नक्सावाट अहिले थपिएका चुच्चो हटाउनेको ? उनीहरु राष्ट्रघाती हुन उनीहरुको पहिचान गरि टुडीखेलमा झुन्डयाउु पर्छ ।’ तत्कालिन संसदवाट ति प्रस्ताव पास गर्ने मुख्य नायकहरु मध्येका शेरबहादुर देउवा र केपि शर्मा ओली दुवैजना उनको भाषण शान्ती पुर्वक सुन्दै थिए ।
महतोको अर्को व्यवहारिक तर्क पनि धेरै तर्क पुर्ण थियो । त्यो हो, ‘नेपाल भारतको सम्बन्ध ओली र मोदीले बनाइदिएको होइन, र बिगार्ने अधिकार पनि छैन त्यसैले दुवै देशको जनताको हित हुने गरि वार्ता र समाधन खोज्नु पर्दछ ।’ महतोले भनेका थिए । अन्य धेरै तर्कहरु महतोले प्रस्तुत गरिरहँदा जसपाका नेताहरु हौसिएका थिए । महतोको आजको भाषणलाई हिरो पन्थी भन्दै राम्रो चर्चा गरिदै छ ।
उपेन्द्रको शालिन तर्क पनि सुन्न लायक थियो
महतो पछि बोल्न आएका उपेन्द्र यादव गरम माहोललाई शान्त पार्दै शभ्य शिष्ट भाषामा तर्क सहित पुन ः ति देश द्रोही जस्ले नक्सा र महाकाली नदीको मुहान बेच्यो उनीहरुको पोष्टर छाप्नु पर्ने तर्क राखे । उनले पनि नेपाल भारतको जनताको सम्बन्ध कुनै पनि सरकारले बिर्गान नसक्ने किशिमको रहेको भन्दै सचेत रहन आग्रह गरे ।
सुगौली सन्धीलाई पछाडि छोर्दै महाकाली सन्धीले राष्ट्रघाती काम भएको प्रमाण पेश गर्दै यादवले तत्कालिन नेताहरु केपि शर्मा ओली र शेरबहादुर देउवा सहितका नेताह्रुलाई संकेत गर्दै ठुलो गल्ती गरेकाका कारण आज भुमि अर्को कित्तमा गएको आरोप लगाए । जसपाको कार्यालयमा सत्तारुढका गुणडाहरु जानथालेको भन्दै देशमा आन्तिरक एकता नभए सम्म कुनै पनि डिप्लोमेसी काम नगर्ने उनको आरोप थियो ।
सरिता गिरी संग भयो बइमानी
दफावार छलफल सुरुमा नेकपाका अध्यक्ष प्रचण्डलाई रोष्टममा बोलाएका सभामुखले कर्मचारीले दिएको स्लिपको आधारमा सुरुमा माननिय सरिता गिरी तपाँइ संक्षीप्त मा राख्नोस भने, तर गिरी कुरा राख्न नपाउदै सत्तारुढ सांसदहरु यति न विरोध गरे कि सभामुख मैले कुनै समय दिएको छुइन भन्दै गिरीको माइकको लाइन काटियो र एक रुलिङ्ग गर्दै गिरीको संसोधन प्रस्ताव खारेज गर्दै बस्नुस नभए जानुस सम्म भन्नु भयो र गिरी वैठकवाट वाहिरए ।
संसद सवैले आफनो विचार राख्न पाउनु पर्ने थलो हो । गिरी वास्तवमै देशद्रोही हुन भने या त गिरीलाई संविधानको कुनै धारा वा उपधारा बमोजिम देशद्रोही भन्दै सांसदवाट निकालियोस नभए लोकतन्त्रमा आफनो तर्क राख्नु पर्ने अवसर सवैलाई दिनु पर्ने भन्दै सभामुखको आलोचना हुन थालेको छ ।
