एसपी रिपोर्टर
जनकपुरधाम, जेठ ३० : जनता समाजवादी पार्टी नेपाल मिथिला विहारी नगरपालिकामा भ्रटाचार सहित विभिन्न व्यथिती विरुद्व नगरपालिकाका घेराउ तथा प्रदर्शन गरेको छ । जसपा नेपाल मिथिला विहारी नगरपालिका संयोजक नेतृ सिता यादवको नेतृत्वमा जसपाका नेता कार्यक्रताहरु नगरपालिका कार्यालय घेराउ गर्नुका साथै प्रदर्शन गरेको हुन ।
कोराना भाइरस कोभिड १९ भन्दा पनि ठुलो साइलेन्ट किलर यहाँको भ्रष्चाटाचार रहेको भन्दै नेतृ यादवले कोरोना महामारीवाट बच्न र प्रभावितहरुको राहतका लागि नगरपालिकाले केहि पनि गर्न नसकेको आरोप लगाउदै जसपाका नेता कार्यक्रताहरु विरोध गरेका छन् ।
हेर्नोस भिडियो
नगरपालिकाले नगरसभा गर्न नसकेको गुपचुप काम गरिरहेको भन्दै उनीहरुले विकास निर्माणको काम हुँदा बोर्ड लगाएर पादर्शी गर्नुपर्ने नभए काम हुन नदिने, मलेसियामा ज्यान गुमाएका नगरवासीको शव नेपाल ल्याउन पहल गर्नुपर्ने सहितका मांगहरु समेटिएको ज्ञापन पत्र बुझाउदै दुई दिन भित्र मांगहरु पुरा नभए आन्दोलन गर्ने चेतावनी समेत दिएका छन् । पटक पटक ज्ञापनपत्र बुझाइएको भएपनि सुनुवाई नभएको, नगरसभामा आर्थिक प्रतिवेदन नबुझाइएको सहितको आरोप जसपाको छ ।
