एसपी रिपोर्टर
जनकपुरधाम, जेठ २९ : धनुषाको सवैला स्थित इलाका प्रहरी कार्यालयको थुनामै झुन्डिएर मृत्यु भएका शभ्मु सदाको शवको पोष्टमार्टम सहमती अनुसार नुहने भएपछि मुसहर अगुवाहरु आक्रोसित भएका छन् । बुधवार प्रहरी चौकीमा तोपफोड र प्रदर्शन गरेका प्रदर्शनकारीहरुको अगुवा र धनुषा प्रशासन बिच विहिवार विहान पिडित पक्षवाट पनि एक जना चिकित्सक राखेर शव पोष्टमार्टम गर्ने सहितको विभिन्न सहमती भयो ।
धनुषाका प्रमुख जिल्ला अधिकार सहित प्रशासनले नै पिडितको सुझाव अनुसार सिरहावाट डा. दिलिप सदालाई समेत राखेर पोष्टमार्टम गर्ने सहमती भएको थियो । तर प्रादेशिक अस्पताल जनकपुरधामले डा. सदालाई पोष्टमार्टममा राख्न नमिल्ने अडान लिएपछि पिडित तर्फका अगुवाहरु आक्रोसित हुदै प्रदर्शन गरेका छन् । उनीहरु अस्पतालवाट जनकपुरधामको विभिन्न चौक चौक पुगेर नारावाजी सहित प्रदर्शन गरेका थिए ।
हेर्नोस भिडियो
थुनुवामै मृत्यु भएको घटना शंकाष्पद रहेको र प्रहरीले पनि मारेको हुन सक्ने भन्दै पिडित पक्ष सत्थतथ्य छानविनको मांग गरेका छन् । मृतककी आमाले प्रहरीले आफु वेहोस भएकै बेला सुई लगाएर औठाछाप लगाएको बताउदै आएकी छन् । प्रहरी कार्यालय सवैलाका प्रहरी निरिक्षक चन्द्र भुषण यादवले भने त्यस कुराको खण्डन गर्दै आएको छ । उनले ढिला जानकारी दिदाँ पनि समस्या हुने भएकाले छिटै जानकारी गराएको र बेहोस हुँदा चिकित्सक बोलाएर औषधी उपचारको क्रममा सुई लगाएको बताए । पोष्टमार्टममा आफनो पक्षका चिकित्सक राख्न नमानेपछि पिडित पक्षले प्रशासनले धोका दिएको भन्दै पोष्टमार्टम वहिष्कार गरेको छ ।
