एसपी रिपोर्टर
जनकपुरधाम, जेठ २९ : लकडाउन गरि जनतालाई घरमा थुन्न सफल संघिय सरकारको विरोधमा जनता जुर्मुराउन थालेका छन् । लगातार ८० दिनको लकडाउन खुकुलो हुन थाले संगै सरकार विरोधी आवाज र प्रदर्शनले सडकमा स्थान जमाउन थालेको छ ।
नेपाल सरकारले गलत समय विश्वकै लामो ८० दिनको लकडाउन त गरयो गरयो यस बिचमा कोरोना परिक्षण तथा देश विदेशका सम्भावित प्रभावित नेपालीको व्यवस्थापन गर्न नसकेको भन्दै संघिय सरकार विरोधमा काठमाण्डौंमा प्रदर्शनहरु गति लिन थालेको छ । आज मात्रै लकडाउनको विरोध र पिसिआर परिक्षणको मांग गर्दै बालुवाटारमा उत्रेको जनसागर तलको दृश्यमा देख्न सकिन्छ ।
जनकपुरधाममा व्यापारीहरु विरोध गर्ने
एकता प्रदेश २ को राजधानी जनकपुरधाम र आर्थिक केन्द्र बिरगंजका व्यापारीहरु अहिले साढे ५ बजे भब्य विरोध प्रदर्शनको तयारीमा छन । जनकपुरधामको जनकचौक र बिरगंजको घण्टाघरमा सरकारको कर तिर्नुपर्ने उर्दीको विरोधमा व्यापक प्रदर्शनको तयारी गरेको छ । करको विरोध गर्न व्यापारीहरुको संगठनका साथै राजनितिक दलका युवाहरुको समेत सहभागिता रहने छ ।
