एसपी रिपोर्टर
जनकपुरधाम, जेठ २० : नेपाली कांग्रेसका उपसभापति बिमलेन्द्र निधिको सहयोगमा उनकै निर्वाचन क्षेत्र धनुषा क्षेत्र नं.३ को सबै क्वारेन्टाइन र आइसोलेसन केन्द्रहरुमा पिपिई, हेन्ड ग्लोभस, एन ९५ मास्क र तापक्रम नाप्ने थर्मल गन सहितका सरसमानहरु वितरण गरिएको छ ।
प्रदेश २ सहित धनुषमा समेत दिनानुदिन संक्रमितको संख्या बढ्दै गएको र क्वारेन्टाइनहरुमा खटिएका सुरक्षाकर्मी, स्वास्थकर्मी, सेनाहरु समेत संक्रमणमा पर्दै गएको देखेर, सुरक्षाकर्मी र स्वास्थकर्मीहरुको सुरक्षाका लागि भन्दै सो स्वास्थ्य सुरक्षाका समाग्रीहरु वितरण गरिएको तरुण दल धनुषाका उपाध्यक्ष राकेश विक्रम साहले बताए ।
नेपाल तरुण दल धनुषाका अध्यक्ष संजय लाभ कर्ण र उपाध्यक्ष राकेश बिक्रम साह मार्फत क्षेत्रको विभिन्न क्वारेन्टाइनहरुमा पुगेर सुरक्षा सामाग्रीहरु हस्तान्तरण गरिएको छ । समाग्री हस्तान्तरण कार्यक्रममा तरुण दल धनुषा सदस्य ज्ञानेन्द्र कर्ण, सुभाष झा, राहुल मिश्रा समेतको उपस्थिति रहेको छ ।
साहका अनुसार क्षेत्रको क्वारेन्टाइनहरु जनकपुरधाम रामचौक स्थित गोपाल धर्मशाला, नगराइन नपा– ५ गंगुली, धनौजी गाउँपालिकाको दुईवटा क्वारेन्टाइन, नगराइन–२ क्वारेन्टाइन, नगराइन–७ डेवडिहा क्वारेन्टाइन, जटही सिमा प्रहरी चौकी, मुखियापट्टी मुसहरनिया गाउँपालिकाको चारवटा क्वारेन्टाइनहरुमा समानहरु वितरण गरिएको छ । समानहरुमा पिपिई, ६० थान, तापक्रम नाप्ने थर्मल गन १० थान, एन९५ मास्क ६० थान, हेन्ड ग्लोभ्स १२ प्याकेट अर्थात ६ सय जोरा वितरण गरिएको हो ।\
