एसपी रिपोर्टर
जनकपुरधाम, जेठ १९ : गंगा अवतरण दिवसको अवसरमा नदी चेतना यात्राको शुभारम्भ गरिएको छ । सो अवसरमा मिथिला भुमीमा गंगा सरह अवतरित मानिने कमला नदीको रामघाटमा सोमवार कमला पुजा गरी सो यात्राको शुभारम्भ गरिएको छ । जेष्ठ शुक्ल दशमी तिथि गंगा दसहाराको पुनित अवसरमा ‘पानी रे पानी’ योजना तहत नदी चेतना यात्रा को शुभारम्भ गरिएको कमला अभियानी तथा शहिदनगर नगरपालिकाका मेयर उदय बरबरिया यादवले बताए ।
यो नदी चेतना यात्रा आज गंगा दशहरा देखि अन्तराष्ट्रिय नदी दिवस सम्म कमला नदीको उदगम स्थल नेपालको सिन्धुली जिल्ला महाभारत चुरे जंगल देखी भारत बिहार कमला कोशी संगम सम्म चेतना यात्रा चल्ने कार्यक्रम रहेको बरबरियाले बताए । कमला अभियानका संयोजक अभियानी बिक्रम यादवका अनुसार सो यात्राका प्रायोजक गेल इन्डिया लिमिटेड र कमला नदी चेतना यात्राको आयोजक कमला जलाधार संरक्षण अभियान नेपाल रहने जानकारी गराएका छन् ।
कमला पुजामा कमला अभियानी बिरेन्द्र यादव, राज किशोर सल्हैता, श्याम कुमार सिंह, रामनाथ यादव, राम शरन, रोसन यादव, पत्रकार एवं कमला अभियानी काशिन्द्र शर्मा लगायत कमला अभियानीहरु कोभिड १९ महामारीलाई मध्यनजर गरी समाजिक दुरी कायम राखी सहभागिता जनाएका थिए ।
