एसपी रिपोर्टर
जनकपुरधाम, जेठ १६ : करिव एक महिना सम्म मात्र चिउरा भुजाको सेवन र हप्तौ पैदल हिडेर आफनो नेपाल प्रवेश गरिसकेर भारतबाट फर्किने क्रममा धनुषाको जटही नाकामै मृत्यु भएका युवकमा कोरोना नभएको पुष्टि भएको छ । यद्यपि उनको रिपोर्ट औपचारिक रुपमा आउन भने वाँकी छ ।
उनको शवलाई नेपाली सेनाको टोलीले बुधबारै प्रादेशिक अस्पतालमा ल्याएपछि स्वाब संकलन गरिएको थियो । स्वाब संकलनपछि गरिएको परीक्षणमा रिपोर्ट नेगेटिभ आएको प्रमुख जिल्ला अधिकारी कोषहरि निरौलाले जानकारी दिए । यस्को अर्थ उनको भोकले नै ज्यान लिएको प्रमाणीत भएको छ ।
चार महिनाअघि रोजगारीका लागि भारतको गुजरात हरियाना गएका धनुषाको शहीद नगरपालिका ९ का विरेन्द्र गुरमैता यादवको घर फर्किने क्रममा बुधबार बिहान जटही नाकामा ज्यान गएको थियो । कोरोना नदेखिएपछि उनको मृत्यु भोककै कारण भएको परिवारले समेत दावी गरेको छ । झण्डै महिना दिनदेखि च्यूरा र भुजा मात्रै खान बाध्य भएका उनी जटही नाकामा आउँदा बेहोस भएका थिए । भोकले थलिएका उनले आफ्ना परिवारलाई चाँडो आइदिन फोन गरेका थिए ।
उनको फोन आएलगत्तै उनका भाइ धिरेन्द्रसहित परिवारका ४ जना राति दुई घण्टा लगाएर एम्बुलेन्स खोजेका थिए । तर एम्वुलेन्स भेटदा भेटदै ढिलो भएको र उनलाई लिन गएको एम्वुलेन्स नपुग्दै बेहोस भएर उनको मृत्यु भएको परिवारजनले बताउँदै आएका छन् ।
मृतक परिवारलाई शहिदनगरको १ लाख सहयोग
यसै बिच शहीदनगर नगरपालिका ९ का वडा नं. ९ का मृतक परिवारलाई नगरपालिकाले राहत स्वरुप एक लाख सहयोग गर्ने भएको छ । नगर प्रमुख उदय कुमार बरबरिया यादवले जारी गरेको विज्ञप्तीमा पिडित परिवारलाई दाहसंस्कार तथा क्रिया खर्चका लागि भन्दै १ लाख सहयोग गर्ने उल्लेख छ ।
‘उपरोक्त सम्बन्धमा यस शहीदनगर न.पा. वडा नं. ९ निवासी वर्ष ३२ को विरेन्द्र कुमार गुरमैता यादवको मिति २०७७÷०२÷१४ गतेको दिन मित्र राष्ट्र भारतको गुजरात वाट घर फर्कने क्रम्मा नेपाल भारत्त सिमानाको जटही नाकामा नीजको असामायिक निधन भएको ले शोक शन्तप्त परीवार प्रति गहिरो समवेदना प्रकट गर्दै क्रिया खर्च वापत रु.१,००,०००। (अक्षरेपी रु एक लाख) मात्र आर्थिक सहयोग उपलब्ध गराईने व्यहोरा अनुरोध गरिन्छ ।’ विज्ञप्तीमा उल्लेख छ ।
