संजय साह
जनकपुरधाम, जेठ १३ : नेपालमै हाँस पालन र हाँस र्फामको फादर भनेर चिनिने राम विलास दासको गला अवरुद्व छ । हिजो सोमवार साँझ आएको हुरीबतासले क्षिरेश्वरनाथ नगरपालिका वडा नं. ४ कुमहरौलटोल स्थित उनको विलास हाँस तथा कुखरा फार्ममा व्यापत क्षती पु¥याए पछि उनी तनावमा छन् । हुरीवतासले करिव २ सय फिट लामो र्फामको घर भत्किनुका साथै १५ सय हाँसको चल्ला मध्ये ३ सय चल्ला मात्र वाँकी रहेको छ ।
र्फाम सञ्चालक दास भन्छन, ‘हावाहुरी बन्द भएपछि करिव १ किलोमिटर सम्म चल्ला खोज्दै जाँदा ३ सय सम्म फेला पा¥यौं वाँकी भेटिएन भने अधिकांश हाँसको चल्ला मृत भेटे ।’ १२ सय चल्ला र उहिले करिव १५ लाख लागतको घर गरि मोटामोटी २० लाखको क्षती भएको उनले एसपी खवरसंग दुःखेसो पोखे । उनले भने, ‘ठुलै क्षती भयो, फार्मको बिमा समेत नभए नभएको थाहा त छैन तर र्फामको नाँउमा २ करोड बैंकवाट ऋृण भने लिएको छु ।’ बैंकवाट ऋृण लिएकाले बैंकले बिमा गरिदिएको हुन सक्नेमा उनको सन्तोष छ । यद्यपि उनले आफु तनावमा रहेकाले बैंकलाई अहिले सम्म जानकारी समेत नराएको बताए ।
पिडित दासको दुःखेसो–‘सोमवार साँझ चलेको हावाहुरी पछि १ किलोमिटर सम्म खोज्दै जाँदा १५ सयमा ३ सय जती मात्र हाँसको चल्ला भेटे, वाँकी अधिकांश मृत भेटे कति हरायो, कता गयो के भयो खै ? ’
रामविलास र हाँस पालनको कथा
र्फाम सञ्चालक साह आफुले नेपालमै पहिलो पटक २०३८ सालमा हाँस पालन र्फामको रुपमा सुरु गरेको दावी गर्छन । जनकपुरधाम उपमहानगरपालिका वडा नं. ४ बस्ने दास नेपालमै हाँस पालनको फादर भनेर चिनिने व्यक्ति । काठमाण्डौं सहित पहाडी क्षेत्रमा समेत उनी हाँस र्फाम सञ्चालकका रुपमा अपरिचित छैनन । सानो लागनी मै सुरुवात गरेका उनले अहिले सात विघघा जमिनमा करिव ४ करोड लगानी गरेर हाँस र्फाम सञ्चालन गर्दै आएका छन् ।
जनकपुरधामको रामचौक स्थित व्यापारिक प्रयोजनका लागि मुख्य कार्यालय राखेका उनको क्षिरेश्वरनाथ नगरपालिका वडा नं. ४ कुमहरौलटोल स्थित सो र्फाम नेपालकै हाँस पालनकर्ताहरुको लागि चर्चाको विषय हुने गरेको छ । सञ्चालक दासका अनुसार उनले उत्पादन गरेको हाँसको चल्ला नेपाल भरिमै सप्लाय हुन्छ ।
