एसपी रिपोर्टर
काठमाण्डौं, जेठ १३ : नेपाल–भारत बिचको बिबादित भुमिलाई भारतले आफनो नक्सामा उतारे पछि प्रतिउतरमा नेपाल सरकारले समेत ति आफना भुमि समेटेर नयाँ नक्सा जारी गरेपछि अहिले नेपाल, भारत र विदेशमा समेत त्यसको तरंग छ ।
अतिक्रमण गरेको भूमि समेटेर सरकारले नयाँ नक्सा जारी गरेपछि यसले देशैभरी तरंग ल्यायो । लगत्तै भूमि व्यवस्था मन्त्रीले नेताहरुलाई घरघरै नक्सा र्पुयाउन गएको भनेर उनको आलोचना पनि भयो । तर मंगलबार भने संसदमा अलि बेग्लै दृश्य देखियो ।
मंगलबारको संसदबाट निस्किने अधिकांश सांसदहरुले हातमा नेपालको नयाँ नक्सा बेरेर समाएका थिए । सरकारले दुवै सदनका सांसदहरुलाई नयाँ नक्सा वितरण गरेको छ । त्यसै गरि संसदको मुख्य बेन्चहरुमा समेत नयाँ नक्सा सहितको नेपालको लोगो स्थापित गरिएको छ । नेपाल र भारत दुवै देशको नयाँ नक्सा अहिले ई दुई देशमा मात्र नभई अन्तराष्ट्रिय स्तरमै चर्चाको विषय बनेको छ ।
तस्वीर : ईकान्तिपुर
