एसपी रिपोर्टर
जनकपुरधाम, जेठ ९ : मिथिलाञ्चलमा आज वट सावित्री अर्थात वरसाइत पर्व मनाइँदैछ । पतिको दीर्घायु तथा कुशल दाम्पत्य जीवनको कामना गर्दै मिथिलाञ्चलका मैथिली महिलाहरू मुख्यतः यो पर्व धुमधामका साथ मनाइरहेका छन् । मैथिली महिलाहरूले मनाउने चाँडमध्ये वट सावित्री महान् पर्वकै रूपमा मनाइने गरिन्छ ।
यो पर्व जेठ महिनाको आमवश्य तिथिका दिन मनाउने गरिन्छ । वट सावित्रिमा महिलाहरूले नयाँ पहिरनमा वर र पिपलको रुखमा सामूहिक रूपमा विधिपूर्वक पूजा अर्चना गर्ने गर्छिन । पान, सुपारी, केरा, फलफूल, धुप लगायतको विभिन्न पूजन सामग्रीका साथ पूजापाठ गरेर व्रतालु महिलाहरूले श्रीमानको दीर्घायु तथा कुशल दाम्पतीय जीवनको कामना गर्दै वर तथा पिपलको रुखलाई रातो, र पहोलो धागो वेरी पूजा गर्छन् ।
वरको रुख घेरेर उनीहरू बृक्षमा विवाहको लगन गाँठोको प्रतिक मंगल धागो वेरेर पूजा आराधना गरी पर्व मनाएका हुन् । पौराणिक कथा अनुसार राजा सत्यवानको मृत्यु हुँदा उनकी पत्नी सावित्रीले वरको रुख तल बसेर कठोर ब्रत गरी यमराजवाट पतिको प्राण फर्काएको बताइन्छ । यही मान्यताअनुसार महिलाहरूले पतिको दीर्घायुका लागि वट सावित्री पर्व मनाउने गरेको धार्मिक ग्रन्थमा उल्लेख छ । सुरुसुरुमा ब्राह्मण, कायस्थ र देव जातिका महिलाले मात्र गर्ने गरेको बरसाइत पूजा अहिले अन्य जातिका महिलाले समेत मनाउन थालेका छन् ।
‘‘आस्था र विश्वासलाँई कुनै पनि परिस्थितीले रोक्न सक्दैन किनकी आस्था र विश्वास मनमा हुन्छ । मान्छे बाचुञ्जेल र आफुले सके सम्म आफनो धर्म, संस्कृती, चाडपर्व, परम्परा र इश्वरप्रतिको आस्थालाई यसरी नै निरन्तर दर्शाइ रहने छ ।’’
