एसपी रिपोर्टर
जनकपुरधाम, जेठ ७ : पत्रकार विपी साहले कृषि टिभीमा प्रसारित कोरोना बिर्साउने गफगाफ कार्यक्रम विरुद्व नेपाल प्रेस काउन्सिलमा उजुरी दिएका छन् । धनुषाको रघुनाथपुर घर भई हाल काठमाण्डौंंको नयाँ बानेश्वर बस्ने पत्रकार साहले प्रस्तुत कार्यक्रममा मधेशी समुदायप्रति भाषा, भेषभुषा र सांकेतिक रंगको माध्यमले समेत अपमान गर्ने र होच्याउने काम गरेको भन्दै अनलाइन उजुरी दिएका हुन ।
कारवाहीको मांग गर्दै अनलाईन दिएको उनको उजुरी अनलाइनमा २ सय ६३ नम्वरमा दिइएको सो उजुरी काउन्सिलले २४ सय ७७ नम्वर सहति दर्ता गरेको छ । संविधान र त्यसको विभिन्न ऐनले कुनै पनि समुदायलाई उनको भाषा, भेषभुषा र रगको आधारमा होच्याउन नपाउने भनेको भनिएपनि व्यवहारमा नदेखिको भन्दै काउन्सिलका कार्यवाहक अध्यक्ष किशोर थापाको नाउँमा निवेदन लेख्दै पत्रकार साहले कारवाहीको मांग गरेका हुन ।
