जनकपुरधामलाई पर्यटकीय शहरको रुपमा विकास गर्न काम गर्ने नवनिर्वाचित अध्यक्ष भण्डारीको प्रतिबद्धता

एसपी रिपोर्टर
जनकपुरधाम, असोज ४ :
नेपाल होटल तथा पर्यटन व्यवसायी महासङ्घ मधेस प्रदेश र बर्दिवास उद्योग वाणिज्य संघले जनकपुर उद्योग वाणिज्य संघका नवनिर्वाचित अध्यक्ष अध्यक्ष सुरेन्द्र भण्डारीलाई सम्मान गरेको छ ।
नेपाल होटल तथा पर्यटन व्यवसायी महासंघ मधेस प्रदेश र बर्दिवास उद्योग वाणिज्य संघले अलग अलग कार्यक्रम गरी नवनिर्वाचित अध्यक्ष भण्डारीलाई सम्मान गरेको हो । नेपाल होटल तथा पर्यटन व्यवसायी महासंघ मधेस प्रदेशका अध्यक्ष हिरा गौतमले उनलाई फूल माला लगाएर सम्मान गरे । भण्डारी नेपाल होटल तथा पर्यटन व्यवसायी महासंघ मधेस प्रदेशको उपाध्यक्ष समेत हुन् ।
नवनिर्वाचित अध्यक्ष भण्डारी संगै जनकपुरधाम उद्योग वाणिज्य संघका नवनिर्वाचित पदाधिकारीहरु बरिस्ठ उपाध्यक्ष मनोज साह, उपाध्यक्ष लक्ष्मण साह, महिला उपाध्यक्ष रिंकु साह, सचिव निरजकुमार साह, कोषाध्यक्ष परमेश्वर साह लगायतका पदाधिकारीहरुलाई समेत दूबै संस्थाले सम्मान गरेको हो ।
यता बर्दिवास उद्योग वाणिज्य संघका अध्यक्ष विष्णु भण्डारीले समेत नवनिर्वाचित अध्यक्ष भण्डारीका साथै अन्य पदाधिकारीहरुलाई फूल माला लगाएर सम्मान गरेका थिए ।
सम्मान ग्रहण गर्दै अध्यक्ष भण्डारीले आफ्नो चुनावी नारा नै जनकपुरधामलाई पर्यटकीय दृष्टिले विकासका लागि काम गर्ने रहेकाले त्यस दिशामा काम गर्ने प्रतिबद्धता व्यक्त गरे । उनले मधेसको राजधानी जनकपुरधाममा पर्यटकलाई स्टे गराउनका लागि के के गर्न सकिन्छ त्यसका लागि आफूहरुले काम गर्ने बताए ।