एसपी रिपोर्टर
जनकपुरधाम, कात्तिक २२ : समग्र मिथिला र मैथिलीका विषयमा वृहत जानकारी प्रदान गर्दै आएको मैथिली विकिपिडियाको नवौं वार्षिकोत्सव जनकपुरधाममा मनाइएको छ । जनकपुरधामको रामानन्दचौकमा केक काटेर तथा मैनवत्ती प्रज्वलन गरि वार्षिकोत्सव मनाइएको छ ।
विकिपिडियाका सञ्चालक अविनाश झाले विकिपिडियाको समग्रता र विस्तारका लागि सबै संग सहकार्यको अपेक्षा गरेको बताए । उनले मिथिला र मैथिली क्षेत्रमा कार्यरत अभियानहरुको समन्वयमा अझै प्रभावकारी नतिजा र सुचना मिथिला बारे पस्किन सकिने बताउदै सबैले सहयोग गर्नुपर्ने बताए ।
मैथिली विकास कोषका अध्यक्ष जिवनाथ चौधरीले विकिपिडिया सञ्चालनका लागि आफुले मैथिली विकास कोषको भवनमै स्थान सुरक्षित गरिदिने भन्दै यस माध्यमबाट मिथिला र मैथिलीको हरेक गतिविधी इन्टरनेटमा सुरक्षित र सार्वजानिकका लागि प्रयत्न गर्न आग्रह गरे ।
सो अवसरमा विकिपिडियाका जनकपुरधाम स्थित अगुवा पत्रकार ध्रुब झा, कांग्रेस नेता कृष्णा सिंह, वरिष्ठ पत्रकार सुजित झा, युवा अगुवा सरोज मिश्र, गुड्डु पाण्डे सहितको उपस्थिती थियो ।
