एसपी रिपोर्टर
जनकपुरधाम, कात्तिक १८ : नेपाली कांग्रेसका नेता तथा प्रतिनिधीसभा सदस्य विमलेन्द्र निधीले नेपालको पहाडी भुभागहरुको भ्रमण गर्न मधेशका जनता र खास गरि युवाहरुसंग आग्रह गरेका छन् । धनुषाको धनौजी गाँउपालिकामा पार्टीले आयोजना गरेको शुभकामना आदान प्रदान तथा पार्टी प्रवेश कार्यक्रममा पुर्व उपसभापती समेत रहेका निधीले भने, ‘म खास गरि यहाँका युवाहरुलाई आग्रह गर्दछु, भारतको विभिन्न ठाँउ र धार्मिक स्थल जस्तै नेपालको हुम्ला सहितका भुभागहरुको पनि प्राथमिकताका साथ भ्रमण गर्नोस ।’
यस कार्यले देशका सदभाव, भाइचारा अपनत्वको विकास हुने पनि उनले बताए । पहाडी भुभागहरुको भ्रमणले त्यहाँको समस्या, रहनसहन, विकासको काम र समाजिक एकता बुझन सजिलो हुने जस्ले मधेशको पनि विकासमा टेवा पुग्ने उनले बताए । केहि दिन अगागि नेता निधी आफै पनि हुम्ला सहितको पहाडी जिल्लाको भ्रमण अवलोकन स परिवार गरेर आएका छन् ।
उनले कैलाश मानसरोवरको यात्राका लागि सुझाव दिए । चिनले भिसा नदिएको खण्डमा नेपालकै भुभागबाट पनि मानसरोवरको दर्शन गर्न सक्ने भन्दै उनले यात्रा गर्न आग्रह गरे । उनले चिनले अतिक्रमण गरेको भुमि आफुले आफनै आँखाले हेरेर आएको समेत बताए । धनुषाका युवा हुम्ला पुग्दा हुम्लाका जनता पनि जनकपुरधाम आउन प्रेरित भई पर्यटनको विकास विस्तार हुने उनको भनाई थियो । सो अवसरमा प्रदेश सांसद राम सरोज यादव, विभिन्न पालिकाका प्रमुखहरु सहित कांग्रेसका जिल्ला नेताहरुको उपस्थिती थियो ।
नेता निधी शुक्रवार नेपाली कांग्रेस जनकपुरधाम नगर समितिको शुभकामना आदान प्रदान सहितका कार्यक्रमहरुका सक्रियता पुर्वक सहभागिता जनाइरहेका छन् ।
