एसपी रिपोर्टर
जनकपुरधाम, वैशाख २४ : विश्वकै हिन्दुधर्मावलम्वीहरुको आस्थाको केन्द्र र जनकपुरधामको धरोहर श्री जानकी मन्दिर स्वघोषित महन्तले कब्जा गरेको रहस्योदघाटन भएको छ । जानकी मन्दिरका महन्त रामतपेश्वर दास वैष्णवले आफु केहि दिन विरामी परेपछि समान्य चेला रहेका रामरोशन दास मनपरी रुपमा आफु उतराधिकारी रहेको बताउदै मन्दिर प्रशासनको काम कब्जा गरेको दावी अहिले समाजिक सञ्जालमा भाइरल भएको छ ।
उनले रामरोशन दास मन्दिरको उतराधिकारी रहेको कुरा सरासर गलत रहेको बताउछन् । आफनो बैरागी चेलाहरु परुष १२ जना र महिला ३ जना रहेकोमा रामरोशन दास समान्य चेला रहेको दास बताउछन् । छेउमै बसेका एकजना शिष्य लाई देखाउदै महन्त दासले भनेका छन्, ‘उ हेर्नोस मेरो यथार्त चला उ हो, हिमाचल जम्मु कश्मिरका हो र २५ वर्ष देखि म संगै बस्दै आएको र सेवा गर्दै आएको छ ।’ महन्त रामतपेश्वर दासले आफनो यर्थात चेला उनी नै रहेको बताएका छन् ।
मन्दिरको उतराधिकारी कसैलाई समेत नबनाइएको दावी गर्दै महन्त दासले केहि पत्रकारहरुलाई प्रलोभनमा पारि रामरोशनले उतराधिकारी लेख्न लगाएर स्थानिय, प्रदेश तथा संघिय सरकारसंग आर्थिक कारोबारहरु गर्ने गरेको र कुनै पनि हिसाव किताव पादर्शी नगरिरहेको उनको आरोप छ । आफुलाई कुनैपनि जानकारी नगराई जानकी मन्दिरको परम्परा र हिन्दु संस्कृतीको विरोधी गतिविधी गरिरहेको उनको आरोप छ ।
उनले आफु आर्थिक हिसाव किताव माँगेको र नदिए न्यायका लागि पत्रकार र कानुनलाई गुहार्ने बताउछन् । मिडियामा पनि उनकै तस्वीरहरु छापिन्छ, मेरो प्रतिक्रिया पनि लिन दिदैन महन्त दास भन्छन, ‘मलाई पटक पटक धम्की दिन्छ, महन्त बनाउन भन्छ ।’ छोटा महन्त, उतराधिकारी, सहायक महन्त यि शब्दहरु कहाँवाट आयो ? प्रश्न गर्दै महन्त दासले अव यस्को छिनोफानो हुने बताए ।
तल भिडियोमा हेर्नोस महन्त रामतपेश्वर दासको आरोपै आरोप
