एसपी रिपोर्टर
जनकपुरधाम, भदौ २३ : नेपालको जननिर्वाचित प्रथम प्रधानमन्त्री तथा नेपाली कांग्रेसले महामानव भनेर आदर गर्ने बिपी कोइरालाको १ सय १० औं जन्म जयन्तीको अवसरमा कांग्रेस धनुषा र मधेश प्रदेश समितिले विविध कार्यक्रमहरु गर्दैछन् ।
नेपाली कांग्रेस धनुषाका उपसभापती गणेश झाका अनुसार शानिवार साँझ छ बजे जनकचौकमा दिप प्रज्वलन, आइतवार विहान ७ बजे पार्टी कार्यालय धनुषामा रक्तदान कार्यक्रम र सोमवार विहान ११ बजे जानकी माविमा बिपी विषयक निबन्ध प्रतियोगीताको आयोजना गरि तिन दिवसीय रुपमा बिपीको जन्म जयन्ती मनाउने कार्यक्रम रहेको छ ।
यसका आलावा पार्टीको मधेश प्रदेश समितिले सोमवार ११ बजे प्रदेश पार्टी कार्यालय बन्सीचौकमा रक्तदानको कार्यक्रमको आयोजना गर्दै छ भने पार्टीको मधेश स्वास्थ्य विभागले आइतवारनै जनकपुरधाम उपमहानगरपालिकाको वडा नं. १५ रामपुर वडा कार्यालयमा निशुल्क स्वास्थ्य शिविरको आयोजना गरेको विभागका डा. सज्जन ठाकुरले बताए ।
