एसपी रिपोर्टर
धनुषा, भदौ २० : ‘रामचन्द्र जयसवाल कस्तो मान्छे हो सबैलामा कसैसंग सोध्नोस, म यदि दलित महिलालाई पिटेको कसैले देखेको छ भने जुनसुकै सजाय भोग्न तयार छु, तर जुन किशिमले नियोजित रुपमा मेरो चरित्र हत्याको प्रयास भयो, भोली जो सुकै संग पनि हुने खतरा बढेको छ’ सबैलामा आयोजित पत्रकार सम्मेलनमा उनै रामचन्द्र जयसवालले पोखेको दु:खेसो हो यो ।
पत्रकार सम्मेलनमा जयसवालले आफुलाई तथानाम गाँउघरमा गरिने निच स्तरको गाली सबैला बजारमै गर्न थालेपछि मेरा सहयोगीसंगको विवादमा भरोसी दासलाई सामान्य चोट लागेको स्वीकार गर्दै दासकी आमा कौशिल्या दास घटनाको समयमा त्यहाँ उपस्थित पनि नरहेको बताए ।
घटना भएको दिन कौशिल्या सबैलामा नभई छेउको गाँउ बरकुर्वामा रहेको भएपनि उनलाई पनि कुटपिट गरिएको भनी गलत हल्ला फैलाइएको दाबी गरे । म दिन दुखीहरुको सेवामा पाँच/दश हजार त्यसैपनि खर्च गर्ने र सेवा गर्ने मान्छो हो तर दलितको बाहानामा म विरुद्व विभिन्न आरोप लगाइयो ।
पैसाका लागि विवाद नभएको, छिमेकी रहेको उनको जग्गा आफुले किन्न नमाने पछि विपक्षीको उक्साहटमा आफु माथी मिटरब्याजीको समेत आरोप लगाइएको छ, लोकतान्त्रिक समाजवादी पार्टी (लोसपा) नेपालका नेता सबैला नगरपालिका मेयरका प्रत्यासी र उद्योग बाणिज्य संघ सबैलाका अध्यक्ष समेत रहेका जयसवालले दाबी गरेका छन् ।
सबैला नगरपालिका वडा नं. ३ मा घर भएकी ५४ वर्षीया कौसिलया देवी दास र नीजको छोरा २१ वर्षीय भरोषी दासलाई निर्घात कुटपिट गरिएको सञ्चार माध्यममा आएको घटनामा राजनीतिक उक्साहटमा आफूलाई बदनाम गर्न खोजिएको उनको दावी छ । जयसवालले कौशिल्याको सासु अन्दाजी ७५ वर्षको उमेरमापनि छोराले नराखेपछि स्याहार सुसार गर्नेवाला कोही नदेखेपछि आफूले वहाँलाई जनकपुरधाम वृद्धा आश्रममा पठाई दिन भनेको कुरालाई रिसवी बनाई कौशिल्या र उनका छोराले आफूलाई तथानाम गाली गरेको बताए ।
सो घटनाको भोलीपल्ट भरोसीले पुन: विवाद गर्दा आफ्ना स्टाप श्याम यादव, विन्दी यादव, जोगिन्द्र दास लगायतका व्यक्ति सहन नसकेर सम्झाउन खोज्दा उल्टै हातपातमा उत्रेपछि उनको नाकमा सामान्य चोट लागेको उनले स्वीकारे । आफूलाई जानकारी भएपछि तुरन्त उपचारका लागि जनकपुर पठाएको भएपनि पछि केही स्थानीय राजनीतिक व्यक्तिको उक्साहटमा आफूलाई बदनाम गर्न मिटरब्याजी र अभद्र तस्वीर खिचाएर कुटपिट गरेको भनी गलत हल्ला फैलाएको उनले बताए ।
मिटरब्याजी भन्ने आरोप बारे जयसवालले भने कौशिल्याको छोरीको विवाहमा कसैले सहयोग नगरेपछि आफू कहाँ आउंदा कागज बनाउंदा ५ लाख रुपैया २ रुपैयाको ब्याजदरमा दिएको हो । ७ वर्ष बितिसक्दा पनि रकम नदिएपछि आफूले नयाँ कानून अनुसार तमसुक कागज फेर्न भनेको हो । तर जमिन नदिएपछि कुटपिट गरेको हल्ला गलत हो । किनकी भरोसीको बुवा बौकाले ऋण तिर्न सक्दैन सो जग्गा लिई लिन ३/४ वर्षदेखि भन्दै आएको छ ।
आफूले कुटपिट गरेको हो/होइन, घटनाका बेला भरोसीकी आमा कौशिल्या थिए/थिएन प्रहरी र बजारका प्रत्यक्षदर्शीले नै स्पष्ट गरिदिने उनले बताए । घटना बारे आरोपित भनिएका विन्दी यादवले पनि विवाद भएको स्वीकार गर्दै घटना हुँदा त्यहाँ कौशिल्या र जयसवाल नरहेको बताए । यस्तै प्रत्यक्षदर्शी कौशिल्याका छिमेकी फिरन दासले पनि घटनाको बेला कौशिल्या सबैलामा नभई बरकुरवामा रहेको दाबी गरे । उनले भने, ‘कौशिल्याका छोरा भरोसी र छोरीले जयसवाललाई तथानाम गाली गलौज गरेको देखेको थिए, जयसवालका स्टाफहरुले सहन नसकेर सम्झाउन खोज्दा भरोसीसँग सामान्य विवाद भएको थियो र सोही क्रममा उनलाई चोट लाग्न गएको हो ।’
