एसपी रिपोर्टर
जनकपुरधाम, भदौ ११ : वरिष्ठ पत्रकार, प्रेस स्वतन्त्रता सेनानी तथा प्रजातान्त्रिक र लोकतान्त्रिक आन्दोलनमा समेत लडेका लोकतन्त्रका सच्चा सिपही राजेश्वर नेपालीको निधन भएको छ । विरामी परेर घरमै विगत छ महिना भन्दा बढि देखि थला परेका नेपालीको सोमवार साँझ ८ बजे ५ मिनेट जाँदा निधन भएको उनका ज्वाई समेत रहेका पत्रकार श्री नारायण साहले बताएका छन् ।
वि.सं. २००२ साल भदौ १९ गते धनुषाको बिन्धी गाविसको वडा नं. १ हाल जनकपुरधाम उपमहागनरपालिकाको वडा नं. २३ लादोबेलामा जन्मेका नेपाली पत्रकारिताका साथ साथै प्रजातन्त्र, लोकतन्त्रका हरेक जनआन्दोलनहरुमा अगुवाका रुपमा काम गरेका छन् ।
नेपाली जिउँदा ईतिहास थिए । २००७ साल देखिको विभिन्न आन्दोलन, देशमा कुन तिथि र समयमा के परिवर्तण, घटना परिघटनाहरु भए कुनै पनि बेला मौखिक (मुहजवानी) भन्न सक्ने क्षमताका उनको निधनले एक ईतिहाँसनै गुमाउनु परेको उनीबाट धेरै कुरा सिकेका मधेश सरकारका पुर्व सञ्चार तथा गृहमन्त्री भरत साह बताउछन् ।
देशका पहिला प्रधानमन्त्री विपी कोइराला देखि कांग्रेसका चर्चित नेताहरु संग पत्रकार र आन्दोलनका अगुवाका रुपमा काम गरिसकेका नेपाली एक पुत्र र पत्नी वियोग समेत सहि सकेका थिए । हाल उनको एक छोरा (हाल जनकपुरधाम उपमहानगरपालका वडा नं. २३ को वडा अध्यक्ष राघवेन्द्र साह) र तिन छोरीहरु छन् ।
अस्पतालको शैयामा नेपाली सर, शरिर थाकेको तर मनोवल र ईच्छा शक्ति उस्तै छ (spkhabar.com)
