एसपी रिपोर्टर
जनकपुरधाम, भदौ ७ : नेपाली कांग्रेसका नेता शेखर कोईरालाले चिनिया र भारतिय कनेक्शन समेत रहेको सुन काण्डमा अन्तराष्ट्रिय प्रभावलाई निष्तेज गर्न सके मात्र वास्तिविक अपराधी पक्राउ पर्ने नभए सबै कुरा नाटक मात्र सावित हुने बताएका छन् ।
जनकपुरधाम उपमहानगरपालिकाको नगरस्तरीय विस्तारित वैठकमा सहभागि हुन कोशिबाट जनकपुरधाम आएका कोइरालाले पार्टीको धनुषा कार्यालयमा आयोजित पत्रकार सम्मेलनमा सुनकाण्डमा भारतिय र चिनिया कनेक्शन समेत स्पष्ट रहेकाले कुनै पनि छानविन आयोगले त्यो कनेक्शनलाई निष्तेज गर्न सकेमात्र सहि उपलब्धी हासिल हुने बताए ।
कोइरालाले किलो सुनको कुरा नेपालका लागि मात्र ठुलो बुझिने भएपनि भारतमा टनका टन सुनको खपत रहेको र त्यसको परिपुर्तीका लागि नेपालको भुभाग प्रयोग भइरहेको कुरा भुल्न नहुने बताए । कोइरालाले नेपाल सुन तस्करीको ट्रान्जिट प्वाइन्ट बनेको र त्यसमा चिन भारत सहित अनेक शक्तिशाली राष्ट्रहरुको संलग्नता हुन सक्ने भएकाले त्यसको छानविन गर्ने हैसियत हुन्छ कि नाई भन्ने मुख्य विषय हुने बताए ।
कोइरालाले कांग्रेसको सहयोग रहेसम्म वर्तमान सरकारलाई कुनै संकट नहुने समेत बताए । विभिन्न काण्डहरुका कारण वर्तमान सरकारको आयु लामो छैन भन्छन नि ? प्रश्नमा उनले कांग्रेसको सहयोग रहे सम्म सरकार यथावत चल्ने बताए । कोइराला विराटनगरबाट सडकमार्ग हुदै आउने क्रममा बाढी प्रभावित क्षेत्रहरुको निरिक्षण गर्दै जनकपुरधाम आइपुगेका हुन । कार्यक्रममा नेता नैनसिंह महर, रामसरोज यादव, योगेन्द्र पजियार, चन्द्रमोहन यादव सहितको उपस्थिती थियो ।
