एसपी रिपोर्टर
जनकपुरधाम, साउन २१ :
हरवाचरवाको लगत प्रमाणीकरण र परिचय पत्र बितरणको प्रक्रिया तत्काल अघि बढाउन माग गरिएको छ ।
राष्ट्रिय हरवाचरवा अधिकार मञ्चले लगत प्रमाणीकरण र परिचयपत्र वितरण सहित चार बुँदे माग अघि सारेका छन् । आइतवार एक सम्मेलन आयोजना गरी मञ्चले यस्तो माग अघि सारेका हुन् ।
हरवाचरवाको लगत संकलनका लागि मापदण्ड बनाएर प्रदेश सरकार अघि बढनुपर्ने भन्दै मञ्चले निति, कार्यक्रम र बजेटमा तय गरिएको हरवाचरवा लक्षित कार्यक्रममा हरवाचरवाको पहुँच सुनिश्चित, हरवाचरवाहरुको एकिन तथ्यांकका आधारमा भुमि, आवास, शिक्षा, शिप विकास र स्वास्थयमा पहुँच र प्रदेश र स्थानिय तहबाट सञ्चालन हुने बिपन्न र गरिब लक्षित कार्यक्रममा हरवाचरवाहरुलाई प्रथामिकतामा राख्ने सहितका माग समेत अघि सारेका छन् ।
पत्रकार सम्मेलनमा राष्ट्रिय हरवाचरवा अधिकार मञ्चका महासचिव लागेन्द्र सदाले भने प्रदेश सरकारले हरवाचरवाको लगत संकलनका लागि बजेट छुटयाउनु र निती तथा कार्यक्रममा आफूहरुलाई लक्षित गरी कार्यक्रम छुटयाउनु राम्रो कुरा हो तर त्यो कार्यको तत्काल थाल्नी नगरे त्यो कागजमै सिमित हुन जाने डर सताएको भने ।
उनले भने संघ सरकारको मुक्त कार्यक्रम जस्तै प्रदेश सरकार पनि बजेट र कार्यक्रम छुटयाएपनि सघ सरकार जस्तै कागजमै नहोस चाहना रहेको छ । यदि तत्काल कार्यान्वयन भएन भने आफूहरु कडा संघर्षमा पनि जान सक्छौं चेतावनी दिए ।
कार्यक्रममा उपस्थित मुक्तकमैया र हरवाचरवाको कानूनी सल्लाहकार बालाराम भट्टराईले देशका अन्य कार्यक्रम जस्तै यो पनि कागजमै सिमित हुन नदिन प्रदेश सरकारले तत्काल मापदण्ड बनाएर कार्य शुरु गर्न आग्रह गरे ।
उनले थप्दै भने जति चाँडो मापदण्ड बनाएर कार्य अघि बढाए त्यति नै कार्यक्रम समेटिन्छ र वास्तविक हरवाचरवा सहभागी हुन पाउनेछ नत्र राजनीतिक भई गैर हरवाचरवा हावी हुनेछ ।
